News
Լրահոս
News
Հինգշաբթի
Ապրիլ 02
USD
504.96
EUR
552.07
RUB
6.4
ME-USD
0.03
Տեսնել լրահոսը

Հայաստանի իշխանությունները այլեւս չեն կարող ԵՏՄ-ում գործընկերների հետ քննարկել երկիր ներկրվող ավտոմեքենաների արտոնությունները։ Այս մասին փետրվարի 12-ին ԱԺ նիստում հայտարարեց փոխվարչապետ Մհեր Գրիգորյանը՝ պատասխանելով «Բարգավաճ Հայաստան» կուսակցության պատգամավոր Միքայել Մելքումյանի հարցին։

Պատգամավորը նշեց, որ Ղազախստանի իր գործընկերները բողոքել են Հայաստանից եկող մեքենաների հոսքից, որտեղ մինչեւ 2019թ․ վերջը մաքսազերծումն ավելի էժան էր այնքան ժամանակ, մինչեւ հանրապետությունում գործեցին ազգային, այլ ոչ թե եվրասիական տուրքերը։ Արդյունքում շատ ղազախստանցի ավտոդիլերներ մեքենաներ էին տանում Հայաստանից։

«Այնուամենայնիվ, նրանք իրենք են իրենց համար արտոնություններ սահմանում։ Մեզ մոտ ԱԱՀ-ը 20% է, նրանց մոտ՝ 12%։ Այդ դեպքում ինչո՞ւ մենք չենք նվազեցնում ԱԱՀ-ը, որպեսզի մրցակցենք եվրասիական շուկաներում»,- հետաքրքրվեց Մելքումյանը։ Նշենք, որ Մելքումյանի ներկայացրած տվյալներով, Հայաստան 2019թ․ բերվել է մոտ 190 000 ավտոմեքենա, որոնցից 22 000-ը վերաարտահանել են Ղազախստան եւ 77 000-ը՝ Ռուսաստան։ Ի պատասխան՝ Գրիգորյանը նկատեց, որ եթե այդ մեքենաները արտադրվեին Հայաստանում, դեռեւս կարելի կլիներ փորձել պաշտպանել մեր ավտոարդյունաբերության շահերը, քանի որ այդ դեպքում հայկական կողմի փաստարկները ավելի ծանրակշիռ կլինեին։

«Սակայն այստեղ ոչ մի արտադրություն չկա, այլ կա միայն վերավաճառք։ Եւ պարզ է, որ Ռուսաստանն ու Ղազախստանը, որոնք ունեն իրենց ավտոարդյունաբերությունը, չեն համաձայնի դրան»,- պարզաբանեց փոխվարչապետը։ Նա հիշեցրեց նաեւ, որ սկզբնապես Հայաստանին թույլ էին տվել հինգ տարով պահպանել ավտոմեքենաների տուրքերը, որպեսզի հանրապետության ավտոշուկան կարողանար հարմարվել նոր պայմաններին, սակայն դրա հետ մեկտեղ նշվել էր, որ այդ անցումային շրջանում ներկրված մեքենաները նախատեսված են միայն Հայաստանում օգտագործելու համար, որպեսզի ԵՏՄ շուկաներում անհավասար մրցակցություն չստեղծվի․ քանի որ դա առաջանում է այն դեպքում, եթե Հայաստանից էժան մեքենաներ են գալիս։

Ահա այդ պատճառով չեմ կարծում, որ մենք կկարողանանք բարձրացնել այն հարցը, որ իջեցվեն մեր մաքսազերծման գները։ Դա չի համապատասխանում Եվրասիական տնտեսական միության կանոններին»,- ընդգծեց փոխվարչապետը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Լուսավոր Հայաստանը» կրկին առաջարկել է չփակել սահմանները ԵԱՏՄ երկրների միջեւ
Ըստ նրա` նրանք, ովքեր սոցցանցերում քննադատում են իրեն այս առաջարկի համար, չեն մտնում խնդիրների առջեւ կանգնած մարդկանց դրության մեջ...
Էդմոն Մարուքյանը դիմել է ԵԱՏՄ երկրների առաջնորդներին եւ առաջարկել բացել սահմանները՝ պահպանելով կարանտինի պայմանները
Եթե նախկինում նոր պատմական ժամանակաշրջանի մեկնարկը կորդինատների այլ համակարգով թվում էր կանխատեսելի, սակայն հեռու ապագայում, ապա այսօր մեզնից մեծամասնության համար այն դառնում է ակներեւ…
Հայաստանում գյուղատնտեսական աշխատանքները այս փուլում չեն տուժել․ փոխնախարար
Բացի այդ, չի արգելվել թունաքիմիկատների վաճառքը․․․
ԵՏՄ երկրների միջկառավարական խորհրդի նիստը տեսակոնֆերանսի ձեւաչափով կանցկացվի
ԵՏՀ խորհրդի անդամները քննարկել են նաեւ Եվրասիական միջկառավարական խորհրդի ապրիլին նախատեսված նիստի հետ կապված հարցեր․․․
Կորոնավիրուսի պատճառով ԵՏՄ-ում աշխատանքային միգրացիայի հետ կապված իրավիճակն օպերատիվ որոշում է պահանջում. ԲԵԼՏԱ
ԵԱՏՀ խորհուրդը որոշել է արգելել COVID-19-ի դեմ պայքարի համար ապրանքների արտահանումը ԵԱՏՄ-ից. ԲԵԼՏԱ
« Այս որոշումն անհրաժեշտ է, որպեսզի մենք հուսալի հավասարակշռություն ունենանք այդ միջոցների` դիմակների, ակնոցների, բժիշկների համար հատուկ կոստյումների եւ այլ նոմենկլատուրայի հարցում...
Ամենաշատ