Մենք շատ բանավեճեր ենք ունեցել Ղարաբաղում օդանավակայանի գործարկման շուրջ, քանի որ մենք իսկապես ուզում ենք լուծում գտնել այս հարցում: Այս մասին փետրվարի 13-ին ՀՀ Ազգային ժողովի նիստին ասաց ՀՀ Քաղաքացիական ավիացիայի կոմիտեի ղեկավար Տաթեւիկ Ռեւազյանը` պատասխանելով իշխող «Իմ քայլը» դաշինքի պատգամավոր Սասուն Միքայելյանի հարցին:
Սակայն, ըստ նրա, փաստն այն է, որ Ադրբեջանն որոշել է փակել Ղարաբաղի օդային տարածքը: «Մենք` որպես Քաղաքացիական ավիացիայի կոմիտե, իրավունք չունենք թույլտվություն տալ դեպի Ղարաբաղ թռիչքների համար: Սա քաղաքական խնդիր է, որը չի կարելի լուծել մեր մակարդակում»,- ասաց Ռեւազյանը:
Ապա Միքայելյանը հետաքրքրվեց` արդյո՞ք Հայաստանը փորձում է քննարկումներ անցկացնել այս հարցի շուրջ միջազգային մակարդակում: Ի պատասխան, Ռեւազյանը հայտարարեց, որ իրենց մակարդակում նման քննարկումներ չեն եղել: «Ավելի բարձր մակարդակում` ես չեմ ուսումնասիրել: Սա այն որոշումը չէ, որը հնարավոր է կայացնել եւ իրականացնել մեր մակարդակում: Սա քաղաքական հարց է»,- ամփոփեց Հայաստանի Քաղավիացիայի կոմիտեի ղեկավարը:
