News
Լրահոս
News
Հինգշաբթի
Ապրիլ 09
USD
496.58
EUR
539.43
RUB
6.56
ME-USD
0.04
Տեսնել լրահոսը

Իդլիբի դեէսկալացիայի գոտում գրոհայինները ամերիկյան շարժական զենիթահրթիռային համալիրներ, զրահատեխնիկա եւ թուրքական բանակի համազգեստ են ստանում Թուրքիայից, հայտնում է «Ինտերֆաքսը»՝ հղում անելով ռուսական ռազմադիվանագիտական աղբյուրին։

«Գլխավոր տագնապն այսօր Իդլիբյան դեէսկալացիայի գոտում գրոհայինների կողմից շարժական զենիթահրթիռային համալիրների կիրառումն է։ Վերջին հինգ օրերի ընթացքում արդեն ոչնչացվել է սիրիական բանակի երկու ուղղաթիռ»,- ասել է գործակալության զրուցակիցը։

Նա նաեւ պատմել է, որ Թուրքիան Իդլիբում կենտրոնացրել է ավելի քան 70 տանկ, զրահատեխնիկայի մի մասը փոխանցվում է «Ջաբխատ ան Նուսրա» խմբավորման գրոհայիններին։

Բացի այդ, ըստ նրա, ահաբեկիչները ռազմական գործողություններին մասնակցում են թուրք զինվորականների տեսքով։

Աղբյուրի տվյալներով՝ գրոհայիններին մատակարարված ավելի քան 20 միավոր զրահատեխնիկա Իդլիբում այս շաբաթ ոչնչացվել է սիրիական բանակի կողմից։

Իդլիբի դեէսկալացիայի գոտում իրավիճակը վերջին ժամանակներս զգալիորեն սրվել է։ Թուրքիան սիրիական զորքերին մեղադրում է խաղաղ օբյեկտների եւ Իդլիբում թուրք զինվորականների վրա գրոհների մեջ եւ Դամասկոսից պահանջում է հանել ուժերը այդ գոտուց։

Ավելի վաղ, այս շաբաթ, Սիրիայում թշնամական կողմերի հաշտեցման ռուսական կենտրոնում հայտարարել էին, որ Իդլիբում կառավարական բանակի գործողությունը հարկադրված բնույթ է կրել եւ պայմանավորված է եղել նրանով, որ Թուրքիային չի հաջողվել կատարել Իդլիբի դեէսկալացիայի գոտու սահմանների երկայնքով ապառազմականացման գոտի ստեղծելու Սոչիի հուշագրի դրույթները։

Ռուսական կենտրոնում հայտարարել են, որ Սիրիայի բանակն իր վերահսկողության տակ է վերցրել М5 մայրուղու մի հատվածը, որը Հալեպը կապում է Դամասկոսի հետ, եւ հարվածել է ահաբեկչական ստորաբաժանումներին։ «Դրանով իսկ ստեղծվել է անվտանգության գոտի, ինչը նախատեսված էր 2018թ․ սեպտեմբերի 17-ի ռուս-թուրքական հուշագրով»,- հայտարարել են ռուսական կենտրոնում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Աֆղանստանում 6 երեխա է զոհվել ճամփեզրին տեղի ունեցած պայթյունի հետեւանքով
Զոհերը մի ընտանիքի անդամներ էին…
Զինյալները հարձակվել են Քաբուլում տաճարի վրա
Խոսքը սիկհերի աղոթատեղիի վրա հարձակման մասին է...
«Աշ Շաբաբ» ահաբեկչական խմբավորման առաջնորդը ոչնչացվել է Սոմալիում ավիահարվածի արդյունքում
2008 թվականին ԱՄՆ-ը 5 մլն դոլարի չափով պարգեւատրում էր խոստացել Քորգաբի գտնվելու վայրի մասին տեղեկատվության համար...
Սիրիական գործակալությունը հաղորդում է ահաբեկիչների կողմից հրադադարի ռեժիմը խախտելու մասին
Գործակալությունը նշում է, որ վերջին օրվա ընթացքում հրադադարի ռեժիմն ահաբեկիչների կողմից խախտվել է 19 անգամ...
Սիրիայի Իդլիբում եւս մեկ թուրք զինվոր է սպանվել
Պուտին–Էրդողան բանակցությունների ընթացքում...
Չենք գործելու ի վնաս Հայաստանի. ԱԺ-ում քննարկել են Ահաբեկչության դեմ պայքարի համաձայնագիրը
Խոսքը, մասնավորապես, Ադրբեջանին տրամադրվող տեղեկության մասին է, որը նույնպես ԱՊՀ անդամ է…
Ամենաշատ