News
Լրահոս
News
Կիրակի
Նոյեմբեր 29
USD
508.21
EUR
605.94
RUB
6.7
ME-USD
0.01
Տեսնել լրահոսը

Շուրջ 7 հազար տնային տնտեսություն հոսանքազրկվել է Ֆրանսիայի հյուսիս-արեւմուտքում մոլեգնող Դենիս փոթորկի պատճառով, հաղորդում է ՏԱՍՍ-ը՝ հղում անելով Enedis էլեկտրացանցերի օպերատորին:

Նրա հաղորդմամբ՝ խոսքը վերաբերում է Բրետան շրջանին, որտեղ ուժգին քամին պոկել է էլեկտրահաղորդման լարերը: Տների մեծամասնությունը հոսանքազրկվել է Ֆինիսթեր, Կոտ դ՛Ամոր եւ Մորբիան դեպարտամենտներում: Եղանակային վատ պայմանների հետեւանքները վերացնելու գործում ներգրավված է Enedis-ի շուրջ 450 աշխատակից:

Դենիս փոթորիկը հասել է Ֆրանսիայի հյուսիս-արեւմտյան ափին կիրակի գիշերը: Մի շարք դեպարտամենտներում, օդերեւութաբանների խոսքով, քամու արագությունը հասնում է 28 մ/վ-ի: Բրետանիում ամբողջ օրվա ընթացքում սպասվում են հորդառատ անձրեւներ, որոնք կարող են հանգեցնել ջրհեղեղի: Վատ եղանակի պատճառով Նանտ քաղաքի իշխանությունները կարգադրել են ամբողջ օրվա կտրվածքով փակել հանրային զբոսայգիները: Ներկայումս հայտարարված է եղանակային վտանգի նախավերջին մակարդակը, որը պահպանվում է Ֆինիսթերում եւ Մորբիանում՝ համաձայն  Meteo-France ազգային օդերեւութաբանական ծառայության:

!
Այս նյութը հասանելի է նաև   Русский
Տպել