Լիբիայի միջազգայնորեն ճանաչված ազգային համաձայնության կառավարության ղեկավար Ֆայիզ Սարաջը աղետալի է անվանել իրավիճակը երկրում նավթային տերմինալների շրջափակման պատճառով, հաղորդում է ՏԱՍՍ-ը:
«Միջազգային հանրությունը, որը Լիբիայում կայունության կոչ է անում, որեւէ հստակ գործողություն չի ձեռնարկում՝ կապված նավթային տերմինալների շրջափակման հետ: Դա լիբիացիների համար գոյատեւման հիմնական աղբյուրներից է: Այժմ կենտրոնական բանկը ստիպված է բյուջե պատրաստել՝ հիմնվելով միայն առկա ֆինանսական ռեզերվների վր»,- ասել է նա The Times-ին տված հարցազրույցում:
National Oil Corporation-ի տվյալներով՝ Լիբիայում նավթի արդյունաբերության ծավալները նվազել են 1,2 մլն բարելով՝ մինչեւ օրական 163,6 հազար բարել: Վնասները գնահատվում են 1,4 մլրդ դոլար:
Այժմ Լիբիայում զուգահեռ գոյություն ունի իշխանություն երկու գործադիր մարմին՝ Տրիպոլիում ազգային համաձայնության կառավարությունը եւ ժամանակավոր կաբինետը, որը գործում է երկրի արեւելքում խորհրդարանի Ներկայացուցիչների պալատի հետ համատեղ: