News
Լրահոս
News
Կիրակի
Ապրիլ 05
USD
502.97
EUR
543.86
RUB
6.56
ME-USD
0.03
Տեսնել լրահոսը


Աբովյանում եւ Կոտայքի մարզի մի շարք գյուղերում 2019 թվականին երկու տասնյակից ավելի բնակարանային գողություններ ու գողության փորձեր էին կատարվել: Ձեռագիրը նույնն էր: Տուն էին մտնում հիմնականում պատուհանով, գողանում բացառապես փող ու ոսկի։

Տուժողները ոստիկանություն էին դիմել: Հարուցվել էին քրեական գործեր: Իրավապահները հնարավոր բոլոր միջոցներով փորձում էին գտնել հանցագործներին, երբ հունվարի 16-ի երեկոյան ոստիկանության Կոտայքի բաժնում բնակարանային գողության վերաբերյալ նոր ահազանգ ստացվեց։ Օգտվելով տանտերերի բացակայությունից, հարմարեցված գործիքով բացել էին Նոր գյուղի տներից մեկի պատուհանն ու ննջասենյակի զարդասեղանից բանկային քարտ, ոսկյա եւ արծաթյա զարդեր գողացել։

Հաղորդումը ստանալուն պես օպերատիվ խումբը դեպքի վայր մեկնեց։ Ոստիկաններն արձանագրեցին, թե որ պատուհանն ինչպես են բացել, որտեղից՝ ինչ գողացել։ Զրուցեցին տուժողի հետ:

Բացահայտման ուղղությամբ միջոցառումներ էին ձեռնարկվում, երբ հունվարի 25-ին օպերատիվ կառավարման կենտրոնից եւս մեկ բնակարանային գողության ահազանգ ստացվեց։ Ժամը 18-ից 21-ը հարմարեցված գործիքով բացել էին Արամուս գյուղի տներից մեկի պատուհանը, ննջասենյակի պահարանից փող ու ոսկեղեն գողացել։

Վերլուծելով դեպքերը` ոստիկանության Կոտայքի բաժնի ծառայողները փորձում էին հասկանալ` ինչով էին իրարից տարբեր եւ ինչ ընդհանրություններ ունեին գողությունները:

Որոշվեց ուժեղացնել քրեական հետախուզության եւ համայնքային ոստիկանության բաժանմունքների համագործակցությունը, օպերատիվ իրավիճակին տիրապետելու համար ակտիվացնել շփումները բնակիչների հետ:

Լայնածավալ որոնողական աշխատանքների արդյունքում փետրվարի 11-ին համայնքային ոստիկանության բաժանմունքում տեղեկություններ ստացվեցին, որ գողությունները հնարավոր է կատարած լինեն Աբովյանում բնակվող երեք անչափահաս, որոնցից երկուսին նույն օրը, իսկ երրորդին փետվարի 13-ին իրավապահները ներկայացրեցին ոստիկանության Կոտայքի բաժին:

Հետագա միջոցառումներով պարզվել է, որ կասկածվողները 2019-2020 թվականներին Աբովյանում եւ Կոտայքի մարզի մի շարք գյուղերում երկու տասնյակից ավելի բնակարանային գողություններից ու գողության փորձերից բացի, նաեւ անձնական ունեցվածքի չորս գողություն են արել։

2019 թվականի մարտին Աբովյան քաղաքի Սարալանջի փողոցի մի բնակարանից եւ Բալահովիտ գյուղի մի տնից ոսկեղեն ու փող էին գողացել։ Նույն գյուղում ապրիլին պատուհանով երկու տուն էին մտել, հափշտակել փող ու թանկարժեք խմիչք։ Օրեր անց Աբովյանի Երրորդ միկորշրջանի մի բնակարանից էին փող ու ոսկեղեն գողացել։ Մայիսին դարձյալ պատուհանով մտել էին Աբովյանի Չորրորդ միկրոշրջանի բնակարններից մեկը եւ արծաթյա զարդեր հափշտակել։ Ամռանը Բալահովիտ գյուղի երկու տնից փող, ոսկյա զարդեր ու շքանշաններ էին հափշտակել։ Սեպտեմբեր-հոկտեմբեր ամիսներին համարեցված գործիքով բացել էին Աբովյան քաղաքի Երրորդ միկրոշրջանի, Սարալանջի, Կոտայքի, Սեւանի փողոցների բնակարանների պատուհանները, գողացել փող, ժամացույց, ոսկյա եւ արծաթյա զարդեր։

Եղել էին նաեւ դեպքեր, երբ ինչ-ինչ հանգամանքներից ելնելով՝ գործը գլուխ բերել չէր հաջողվել․ հեռացել էին։ Բայց սա ամենը չէր։ Նախորդ տարվա դեկտեմբեր եւ այս տարվա հունվար ամիսներին նրանք Գառնի, Կամարիս, Գողթ գյուղի երեք խանութից ապրանքներ էին հափշտակել։ Գառնի գյուղի մի արտադրամասից էլ գողացել էին պղնձե եւ ալյումինե մալուխներ, զոդման սարք, էլեկտրական սղոց եւ այլ արհեստագործական գործիքներ։

Կասկածվողները խոստովանել են կատարածը։

Հանգամանքները պարզվում են:

Նախաքննությունը շարունակվում է:

Տպել
Կարդացեք նաև
Ամբողջը
Վրաերթ Արարատի մարզում․ 30 գառ տեղում սատկել է
Ոստիկանությունը պարզում է գառների տիրոջ ինքնությունը․․․
Աբովյանում 62-ամա տղամարդու դի է հայտնաբերվել
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության…
«Գոռաց հեռու մնա, չհասկացա` ինչու». կորոնավիրուսով վարակված վիրավորին օգնած երիտասարդին մեկուսացրել են (ֆոտո)
Գայի պողոտայի այգում մոտերքում զբոսնում էի, վթարի ձայնը լսեցի, վազելով մոտեցա…
Երեւանի Շոպրոնի փողոցում «Opel Astra G»-ն դուրս է եկել երթևեկելի գոտուց և բախվել կայանած 3 ավտոմեքենաների
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական…
«Սբ. Սարգիս» մատուռի մոտակայքում մեքենան դուրս է եկել ճանապարհի երթեւեկելի հատվածից եւ արգելափակվել
Փրկարարներն ավտոմեքենան դուրս են բերել ավտոճանապարհի երթեւեկելի…
Ռոբերտ Քենեդիի թոռնուհին եւ նրա որդին կորել են կանոեով նավարկության ժամանակ. WP
Նրանց կանոեն փոթորիկի մեջ է ընկել Մերիլենդ նահանգի ափերի մոտ գտնվոց Չեսապիկի ծոցում...
Ամենաշատ