Գերմանիայի դաշնային դատախազությունը սկսել է հետաքննել Հանաուուի ողբերգական դեպքերը: Այդ քաղաքում նարգիլեի երկու սրահներում սպանվել է 9 մարդ: Ոստիկանությունը եւս երկու մարմին է գտել հրաձիգի տանը, որոնցից մեկը պատկանել է հենց հրաձիգին: Նրա կողքին գտնվել է 72-ամյա կնոջ՝ նրա մոր մարմինը:
Դատախազությունը հայտնել է, որ հրաձիգը կարող էր ղեկավարվել աջ արմատական մոտիվներով, հաղորդում է DW-ը:
Երկրի ներքին գործերի նախարար Հեսսեն Բոյթը հայտարարել է, որ հանցագործի գործողություններում պարունակվել է ահաբեկչական մոտիվ:
Հիշեցնենք, որ հինգշաբթի լույս գիշերը Հեսեն դաշնային հողում Հանաու քաղաքում անհայտ անձը հարձակվել էր երկու նարգիլեանոցի եւ բուքմեյքերական գրասենյակի վրա: Վերջին տեղեկություններով՝ սպանվել է 9 մարդ, եւս 4-ը վիրավոր է: Գերմանիայի նախագահ Ֆրանկ-Վալտեր Շթայնմայերը տեղի ունեցածը որակել է «բռնության ահաբեկչական ակտ»: Հանցագործը տեսագրություն է թողել, որում նշել է, որ «ԱՄՆ-ում կան ստորգետնյա ռազմական օբյեկտներ, որտեղ տանջում եւ սպանում են երեխաների»: Նա ամերիկացիներին կոչ է արել դրա դեմ պայքար սկսել:
