News
Լրահոս
News
Հինգշաբթի
Ապրիլ 02
USD
504.5
EUR
551.62
RUB
6.43
ME-USD
0.03
Տեսնել լրահոսը

Փետրվարի 20-ին Հայաստանի Հանրապետության արդարադատության նախարարության քրեակատարողական ծառայության պետ, արդարադատության գեներալ-մայոր Արթուր Գոյունյանը, պետի առաջին տեղակալ, արդարադատության գեներալ-մայոր Արտակ Հարությունյանը աշխատանքային այցով եղել են ՀՀ ԱՆ «Կոշ» քրեակատարողական հիմնարկում: Այս մասին հայտնում են ՀՀ ԱՆ քրեակատարողական ծառայության հանրային կապերի բաժնից։

Այցի հիմնական նպատակն էր անձնակազմին ներկայացնել հիմնարկի պետ, արդարադատության փոխգնդապետ Մանուկ Պողոսյանին, որը մինչեւ 2020 թվականի փետրվարի 19-ը հիմնարկի պետի ժամանակավոր պաշտոնակատարն էր եւ փորձաշրջանի ընթացքում իրեն դրսեւորել է հավուր պատշաճի:

Ծառայության պետն առաջին տեղակալի եւ հիմնարկի վարչակազմի ուղեկցությամբ շրջայց է կատարել բնակելի տարածքում, հանձնուքների ընդունման սենյակում, որտեղ հետաքրքրվել է նոր տեղադրված «RAPISCAN ORION 920 CX» ապրանքանիշի անվտանգության արդիական ռենտգեն սարքի կիրառման արդյունավետությամբ:

Շրջայցի ընթացքում եղել են նաեւ բուժմասում, մարզասրահում, հիմնարկի՝ նոր վերանորոգված խոհանոցում, ծանոթացել օրվա ճաշացանկին, տրվող սննդի որակին եւ պատրաստման գործընթացին: Ա. Գոյունյանի կողմից հանձնարարվել է խստորեն պահպանել սանիտարահիգիենիկ պայմանները:

Ծառայության պետը նաեւ հանդիպել եւ զրուցել է ազատազրկված անձանց հետ, նրանց կողմից առաջ քաշված խնդիրների լուծման նպատակով քրեակատարողական հիմնարկի համապատասխան ստորաբաժանումներին տվել է հրահանգներ:

Շրջայցի ավարտին հիմնարկի վարչակազմի հետ անցկացված խորհրդակցության ժամանակ ծառայության պետը հատկապես կարեւորել է ծառայողական պարտականությունների պատշաճ կատարումը, այդ թվում՝ հնարավոր բոլոր միջոցառումների ձեռնարկումն արգելված իրերի ներթափանցումը կանխելու նպատակով:

Հանգամանալից քննարկվել են նաեւ սոցիալական, հոգեբանական եւ իրավական ոլորտի զարգացմանն ու առողջացմանն ուղղված աշխատանքները, առկա հիմնախնդիրները եւ դրանց լուծման հնարավոր տարբերակները:

Ա. Գոյունյանը ներկաներին տեղեկացրել է, որ Հայաստանի Հանրապետության արդարադատության նախարարի հրամանով քրեակատարողական ծառայության սոցիալական, հոգեբանական եւ իրավական աշխատանքների բաժինն այսուհետ համակարգելու է ծառայության պետի առաջին տեղակալ Արտակ Հարությունյանը, որին հանձնարարվել է սեղմ ժամկետներում մշակել եւ ներկայացնել կատարման ենթակա, հստակ ժամանակացույցով աշխատանքային ծրագիր՝ սոցիալական, հոգեբանական եւ իրավական ոլորտի, այդ թվում՝ ինքնասպանությունների եւ ինքնավնասումների դեպքերի բացառման եւ կանխարգելման ուղղությամբ տարվող աշխատանքներն առավել արդյունավետ եւ նպատակային դարձնելու համար:

Արտակ Հարությունյանն իր հերթին հավաստիացրել է, որ հետամուտ են լինելու ծառայության որդեգրած նոր քաղաքականությանը եւ գործելակերպի ձեւաչափերի իրագործմանն ու անշեղ պահպանմանը, որպիսիք միտված են կոռուպցիոն ռիսկերի բացառմանը եւ մասնագիտական հմտությունների ու կարողությունների բարձրացմանը:

Տպել
Կարդացեք նաև
Ամբողջը
Դատախազությունը բողոքարկել է Վահագն Հարությունյանի կալանավորումը մերժելու մասին դատարանի որոշումը
Վահագն Հարությունյանի նկատմամբ որպես խափանման միջոց կալանավորումն ընտրելու մասին ՀՔԾ քննիչի միջնորդությունը մերժելու մասին դատարանի…
Արթուր Վանեցյանի փաստաբանների վերաքննիչ բողոքը կքննվի գրավոր ընթացակարգով
Վարույթ ընդունել է Վանեցյանի ներկայացուցիչների հայցադիմումը, սակայն հայցի ապահովման միջոց կիրառելու միջնորդությունը մերժել էր…
Երեւանում կատուն արգելափակվել էր «Toyota»-ի շարժիչի հատվածում. Փրկարարներ են ժամանել
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ...
Երեւանում էլեկտրական սյունն ընկել է ավտոմեքենայի վրա
Պարզվել է, որ «Երևանի էլեկտրական ցանցեր» ՓԲԸ-ին պատկանող սյունը շրջվել, ընկել է կայանած «Mercedes» մակնիշի ավտոմեքենայի վրա…
Փրկարարները վարորդին եւ չորս ուղեւորի տեղափոխել են Սեւան-Դիլիջան ճանապարհ
Դեպքի վայր է մեկնել ԱԻՆ ՓԾ մարզային փրկարարական վարչության հատուկ ջոկատից մեկ մարտական հաշվարկ...
6 ժամվա ստուգման արդյունքները. 248 անձի նկատմամբ կազմվել է վարչական արձանագրություն
Ոստիկանությունը շարունակում է ապահովել նոր կորոնավիրուսի հնարավոր տարածումը կանխելու նպատակով անձանց ազատ տեղաշարժի...
Ամենաշատ