ԵՄ երկրներն իրավունք ունեն Շենգենյան օրենսգրքին համապատասխան դադարեցնել մարդկանց ազատ տեղաշարժը եւ վերականգնել ժամանակավոր սահմանային վերահսկողությունը կորոնավիրուսի բռնկման հետեւանքով հանրային առողջության սպառնալիքների կապակցությամբ: Այս մասին հայտարարել է Եվրահանձնաժողովի պաշտոնական ներկայացուցիչ Դանա Սպինանտը, հաղորդում է ՏԱՍՍ-ը:
«Սակայն Եվրահանձնաժողովի տեսանյունից ցանկացած նման գործողություն պետք է հիմնվի գիտական գնահատումների վրա եւ պետք է համակարգվի Եվրամիության մակարդակով»,- ասել է նա:
Եվրոպայում կորոնավիրուսի դեպքեր են գրանցվել Իտալիայում, որտեղ վարակվածների թիվը գերազանցել է 230-ը: Մահացել է 7 մարդ: Տեղի իշխանությունները խիստ կարանտինային նորմեր են մտցրել:
