Փետրվարի 26-ին ՀՀ Ազգային ժողովում Եվրոպական ինտեգրման հարցերով մշտական խորհրդարանական հանձնաժողովի նախաձեռնությամբ լսումներ են ընթանում Հայաստանի և ԵՄ-ի միջեւ Համապարփակ և ընդլայնված գործընկերության համաձայնագրի իրականացման ընթացքի շուրջ: Կքննարկվեն Հայաստան-ԵՄ համաձայնագրի իրականացման ընթացակարգային եւ բովանդակային ասպեկտները, սույն պայմանագրով նախատեսված եւ ուրվագծված երկկողմ ծրագրերը, այս գործընթացում քաղաքացիական հասարակության համագործակցության ձեւաչափերն ու ռազմավարությունները, ինչպես նաեւ վերը նշված համաձայնագրի իրականացման խորհրդարանական վերահսկողության հետ կապված հարցեր:

Լսումներին մասնակցում են Կառավարության ներկայացուցիչները` ի դեմս փոխվարչապետ Մհեր Գրիգորյանի, ինչպես նաեւ հանրապետությունում հավատարմագրված տարբեր հասարակական կազմակերպությունների եւ եվրոպական դիվանագիտական ներկայացուցչությունների ղեկավարներ: