Եվրամիության հետ ծրագրեր են իրականացվում «Արևելյան գործընկերության» շրջանակներում: Այս մասին փետրվարի 26- Ազգային ժողովում Եվրոպական ինտեգրման հարցերով մշտական խորհրդարանական հանձնաժողովի կողմից նախաձեռնած Հայաստանի եւ ԵՄ-ի միջեւ Համապարփակ եւ ընդլայնված գործընկերության համաձայնագրի կատարման ընթացքի վերաբերյալ լսումների ժամանակ հայտարարեց Հայաստան-ԵՄ համաձայնագրի կատարման համակարգման միջգերատեսչական հանձնաժողովի նախագահ, ՀՀ փոխվարչապետ Մհեր Գրիգորյանը:
Այստեղ, ըստ նրա, առաջնահերթություն է տրվել էներգախնայողության, սահմանների ամրապնդման եւ մի շարք այլ ոլորտների նախագծերին: Ընդ որում, Եվրամիությունը հայտարարել է հայկական էներգետիկայի ոլորտում ծրագրերի ֆինանսավորման ծավալն ավելացնելու պատրաստակամության մասին: Հատուկ ուշադրություն կդարձվի այլընտրանքային եւ վերականգնվող էներգետիկայի զարգացմանը, էներգաարդյունավետության մակարդակի բարձրացմանն առնչվող հարցերին: Ծրագրերը կյանքի կոչելու համար կներգրավվեն նաեւ ԵՄ «Արևելյան գործընկերության» ծրագրի միջոցները, որի շրջանակներում հանրապետությունը մոտ 80 միլիոն եվրո կստանա: