News
Լրահոս
News
Երկուշաբթի
Նոյեմբեր 29
Տեսնել լրահոսը

ԱՄՆ նախագահ Դոնալդ Թրամփը խոստացել է, որ կշարունակի դատի տալ այն լրատվամիջոցներին, որոնք իրեն ուղղված զրպարտանքով հոդվածներ են հրապարակում: Նա Սպիտակ տանը լրագրողների հետ ճեպազրույցում այսպես է մեկնաբանել իր նախընտրական շտաբի որոշումը The New York Times պարբերականին դատի տալու մասին, փոխանցում է ՏԱՍՍ-ը: 

Հայցվորի կարծիքով՝ վերլուծական հոդվածներից մեկում պարբերականը ներկայացրել է ակնհայտ կեղծ տեղեկություններ: Դրանք վերաբերել են Ռուսաստանի հետ նախընտրական շտաբի ենթադրյալ կապերին եւ 2016 թվականին ամերիկյան ընտրական գործընթացի վրա ազդելու՝ Մոսկվային վերագրվող փորձերին, ամերիկյան կողմից պատժամիջոցային ռեժիմի մեղմման եւ երկկողմ հարաբերությունների հաստատման դիմաց:

«Եթե հոդվածը կարդաք, ապա կհասկանաք, որ այն մեկնաբանություններից դուրս է: Դա մեկնաբանություն չէ, դա ինչ-որ ավելին է, քան պարզապես մեկնաբանությունը: Նրանք անչափ վատ են վարվել, եւ ավելի շատ [հայցեր] կլինեն»,- նշել է Թրամփը:

Նրա խոսքով՝ խոսքը «արմատապես կեղծ մեկնաբանությունների» մասին է, իսկ «Նյու Յորք թայմսը» վերջին տարիներին հաճախ է սուտ բաներ հրապարակել: «Թող հիմա դա գործի դատարանների միջոցով»,- հավելել է ԱՄՆ նախագահը:

Հոդվածը, որին խոսքը վերաբերում է, հրապարակվել է 2019 թվականի մարտի 27-ին պարբերականի էլեկտրոնային տարբերակում: Հեղինակը այս պարբերականի նախկին գլխավոր խմբագիր (1986-1994 թվականներին) Մաքս Ֆրանկելն է:

2016 թվականին ամերիկյան ընտրական գործընթացին Ռուսաստանին միջամտություն են մեղսագրում ԱՄՆ հատուկ ծառայությունները: Այդ՝ իբր տեղ գտած ազդեցության փորձերի քննությամբ գրեթե 2 տարի զբաղվել է ԱՄՆ հատուկ դատախազ Ռոբերտ Մյուլլերը: Նա, մասնավորապես, քննել է ՌԴ իշխանությունների եւ հանրապետական Թրամփի միջեւ ենթադրյալ դավադրությունը: Մյուլլերն արդյունքում ընդունել է, որ ոչ մի դավադրություն չի եղել: Թրամփը բազմիցս հերքել է ընտրարշավի ժամանակ Ռուսաստանի պաշտոնատար անձանց հետ որեւիցե ոչ իրավաչապ շփումների կասկածները: Մոսկվան եւս բազմիցս հերքել է ԱՄՆ-ում ընտրությունների ընթացքի վրա ազդելու փորձերի մասին եզրահանգումները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՌԴ Պետդումայում ներկայացվել է օրինագիծ, որն արգելում է ԶԼՄ-ներում նշել հանցագործների ազգությունը
«Դաշնային օրենքի նախագծով <...> առաջարկվում է արգելել ԶԼՄ-ներում, ինչպես նաեւ տեղեկատվական եւ հեռահաղորդակցական ցանցերում ․․․
Ավստրալիան կոչ է արել համաձայնեցնել «վարքի միջազգային կանոնները» Ինտերնետում ապատեղեկատվության դեմ պայքարում
Այս պայքարը մենք դեռ երեկ պետք է սկսեինք, ասել Ավստրալիայի արտգործնախարարը...
Կառավարող ուժի պատգամավորը հայկական ԶԼՄ-ներին մեղադրեց ապատեղեկատվության տարածման մեջ
Ոչ ճիշտ տեղեկատվության մեղավորները հայկական ԶԼՄ-ներն են, ասել է Արթուր Հովհաննիսյանը...
ՔՊ պատգամավորները հրաժարվեցին պատասխանել ընդդիմադիր լրագրողի հարցին
Լրագրողները պաշտպանեցին իրենց գործընկերոջն ու հետաքրքրվեցին՝ որքանով է արդարացված իրեն խոսքի ազատության․․․
Մեքսիկայում սպանել են Maya Press լրատվական գործակալության հիմնադրին
Լոպես Արեւալոն որպես թղթակից աշխատել է տարբեր արտասահմանյան գործակալություններում, ինչպես նաեւ խմբագիր է եղել Novedades de México, Prensa Libre de Guatemala եւ Notimex տեղական պարբերականներում...
Ամերիկացի միլիարդատերերը «ապատեղեկատվության դեմ պայքարի համար» նոր մեդիա ընկերություն են հիմնում
«Good Information Inc»-ը կֆինանսավորի եւ կընդլայնի այն ընկերությունները, որոնք աջակցում են փաստերի վրա հիմնված տեղեկատվությանը...