News
Լրահոս
News
Կիրակի
Հուլիս 05
USD
483.84
EUR
543.3
RUB
6.81
ME-USD
0.02
Տեսնել լրահոսը

Դատախազությունում 2019 թվականին քաղաքացիների ընդունելության թիվը նախորդ տարվա համեմատ աճել 229-ով: Քաղաքացիներից ստացված 11 862 դիմում-բողոքներից 889-ը բավարարվել է, հարուցվել է 55 քրեական գործ, 3966 դիմումատուի տրվել է պարզաբանում։ 2018-ին 11 198 դիմում-բողոքներից 695-ը բավարարվել են, իսկ հարուցվել է 84 քրեական գործ: Այս մասին NEWS.am-ի հետ զրույցում հայտնեց ՀՀ գլխավոր դատախազի խորհրդական Արթուր Բաղդասարյանը։

«2019-ին ՀՀ դատախազությանը քաղաքացիների կողմից հասցեագրված դիմումների, այնպես էլ քաղաքացիների համար դատախազների կողմից կազմակերպվող ընդունելությունների քանակը նախորդ տարվա համեմատ ավելացել է: Դատախազների կողմից կազմակերպվել է քաղաքացիների 2 992 ընդունելություն: Համեմատության համար նշեմ, որ 2018 թվականին կազմակերպված ընդունելությունների քանակը եղել է 2 763»,- ասաց գլխավոր դատախազի խորհրդականը:

Գլխավոր դատախազության վարչությունների պետերի, նրանց տեղակալների, դատախազների մոտ կազմակերպվել է 378 ընդունելություն, իսկ ՀՀ դատախազության քաղաքացիների ընդունելության եւ դիմումների քննարկման բաժնում՝ 112 ընդունելություն:

«Մյուս մասը կազմակերպվել է Զինվորական կենտրոնական դատախազության, կայազորների դատախազությունների, ինչպես նաեւ մարզերի, Երեւան քաղաքի, Երեւան քաղաքի վարչական շրջանների դատախազություններում: Մարզերի դատախազություններում կազմակերպվել է 1 252 ընդունելություն, Երեւան քաղաքի վարչական շրջաններում` 650»,-ընդգծեց Բաղդասարյանը:

«2019թ. փետրվարին քաղաքացին ՀՀ գլխավոր դատախազին հասցեագրված դիմումով, կասկած է հայտնել, որ ամուսինը մահացել է բուժհաստատություններից մեկում ոչ ճիշտ ախտորոշման եւ բուժման հետեւանքով: Դրա հետքերով դատախազությունում ստացվել եւ ուսումնասիրվել են դեպքի առթիվ նախապատրաստված նյութերը եւ դրա հիման վրա հետաքննության մարմնի կողմից կայացված՝ քրեական գործի հարուցումը մերժելու մասին որոշման օրինականությունը: Արդյունքում, նաեւ հիմք ընդունելով նշված անձի մահվան վերաբերյալ դատաբժշկական փորձաքննության եզրակացությունը, ՀՀ գլխավոր դատախազը վերացրել է հետաքննիչի նշված որոշումը եւ ՀՀ քրեական օրենսգրքի 130-րդ հոդվածի 2-րդ մասով նախատեսված հանցագործության հատկանիշներով հարուցել քրեական գործ, որով սկսվել է նախաքննություն: Մեկ այլ դեպքում քաղաքացին, որը 2019 թվականի օգոստոսին հարուցված՝ ավտոմեքենայի առքուվաճառքին առնչվող խարդախության վերաբերյալ մի քրեական գործով որպես տուժող էր անցնում, դիմումով բողոք է ներկայացրել, թե նախաքննական մարմինը կայացրել է քրեական գործի վարույթը կարճելու որոշում, ինչից ինքը տեղյակ չի եղել, եւ հայտնել էր քննության համար հետաքրքրություն ներկայացնող որոշակի տեղեկություններ: Քրեական գործի նյութերի ուսումնասիրության արդյունքում Երեւան քաղաքի Արաբկիր եւ Քանաքեռ-Զեյթուն վարչական շրջանների դատախազը վերացրել է այդ գործով քրեական հետապնդում չիրականացնելու եւ վարույթը կարճելու որոշումը, ինչի հիման վրա նախաքննությունը շարունակվել է»,- ասաց Բաղդասարյանը:

Տպել
Կարդացեք նաև
Ամբողջը
Ավտոմեքենան վրաերթի է ենթարկել կենդանու և հայտնվել ճանապարհի երթևեկելի հատվածից դուրս. կան տուժածներ
Ուղևորներ Մհեր Խ․-ն ստացել են մարմնական վնասվածքներ և…
Ապարան-Վարդենիս ավտոճանապարհին ավտոմեքենան կողաշրջվել է․ կա տուժած
Ապարան-Վարդենիս ավտոճանապարհի 8-րդ կմ-ին «ԳԱԶել» մակնիշի ավտոմեքենան դուրս է եկել…
Ավտոմեքենան դուրս է եկել ճանապարհի երթեւեկելի հատվածից և հայտնվել Սևանա լճում․ կա զոհ
Պարզվել է, որ «Opel Astra» մակնիշի ավտոմեքենան (վարորդ՝ Արշակ Ղ․, ծնված 1993 թ․) բախվել է «Toyota Alphard» մակնիշի…
Հորդառատ անձրևից հետո գոյացած ցեխի պատճառով ավտոմեքենան սահել և արգելափակվել է կիրճի եզրում
Օգնության է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը...
Ավտոմեքենան դուրս է եկել ճանապարհի երթևեկելի հատվածից և կողաշրջվել, ուղևորին հոսպիտալացրել են
Ավտոմեքենան ուղղելու համար պահանջվել է հատուկ տեխնիկա...
Փարաքար գյուղում խանութի տանիք է այրվում
Դեպքի վայր է մեկնել ԱԻՆ ՓԾ Երևան քաղաքի փրկարարական…
Ամենաշատ