News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

Փետրվարի 28-ին Հայաստանում ներկայացվել է տեղական ինքնակառավարման եւ ապակենտրոնացման իրավիճակի վերաբերյալ ամենամյա զեկույցը:

Զեկույցի համաձայն՝ խնդիրներից մեկն այն է, որ վարչատարածքային բարեփոխմամբ տեղական ինքնակառավարման մարմիններին տրամադրվել են բազմաթիվ լիազորություններ, որոնց համար պետությունը համարժեք ֆինանսական ռեսուրսներ չի հատկացրել: Մի շարք դեպքերում համայնքները պատվիրակված լիազորությունների համար ընդհանրապես ֆինանսավորում չեն ստացել:

Փաստաթուղթն անդրադառնում է նաեւ 2016 թվականի «Տեղական ինքնակառավարման մասին» օրենքին: Այդ ժամանակ նոր հնարավորություններ որոշելու փորձ ձեռնարկվեց, բայց փոփոխությունները ապակենտրոնացման իրական բնույթ չունեն, այդ թվում՝ այն պատճառով, որ հարկերը եւ ֆինանսավորման այլ աղբյուրները հաշվի չեն առնում ինֆլյացիան ու տնտեսական այլ գործոնները եւ երկար ժամանակ չեն ինդեքսավորվում:

Զեկույցում նշված է նաեւ, որ տեղական իշխանությունները մոտ 300  լիազորություն ունեն, որոնք փաստացի չեն արտացոլում կոնկրետ հանրային ծառայություններ ստանալու վերաբերյալ բնակիչների սպասումները:

Փաստաթղթում նաեւ հանձնարարականներով բաժին կա, որոնք, օրինակ, վերաբերում են տեղական մարմիններին օրենքով հաստատված սահմաններում հողի հարկի եւ գույքահարկի չափը հաստատելու լիզորության փոխանցման նպատակահարմարությանը: Դրանից բացի, առաջարկվում է համայնքների ֆինանսական անկախության մակարդակը բարձրացնել եկամուտների նոր կայուն աղբյուրների տրամադրման ճանապարհով՝ հաշվի առնելով, որ Հայաստանի ՀՆԱ-ում համայնքային բյուջեների տեսակարար կշիռը կազմում է միայն 7-8 տոկոս, ինչը 5-6 անգամ քիչ է, քան միջինեվրոպական ցուցանիշներն են:

2015-2018 թվականների տվյալներով՝ ՏԻՄ ֆինանսական անկախության մակարդակը կազմում է 19 տոկոսից մի փոքր ավելի, բյուջետային եկամուտների կենտրոնացման մակարդակը կազմում է 86 տոկոս, ծախսերի մակարդակը՝ 91 տոկոս

Այս խնդրի լուծման համար առաջարկվում է մեծացնել համայնքների ֆինանսական մուտքերի բաժինը՝ տվյալ համայնքի տարածքում գործող տնտեսվարող սուբյեկտների հարկերի վճարման հաշվին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մոգո ՀԻՄԱ կարճաժամկետ վարկատեսակը այժմ հանդես է գալիս, որպես անջատ վարկային կազմակերպության պրոդուկտ (ֆոտո)
Հաճախորդներին հայտնի Մոգո ՀԻՄԱ կարճաժամկետ վարկատեսակը այժմ առանձնանալով ՄՈԳՈ Գրուպից հանդես է գալիս, որպես անջատ վարկայիn...
Ունենալ 5 մլն բնակչություն, 20-ապատկել ՀՆԱ-ն, նվաճել 25 օլիմպիական ոսկի. Մինչեւ 2050-ը ՀՀ-ի տեսլականը՝ ըստ Փաշինյանի
Մինչեւ 2050 թվականի ռազմավարության գաղափարը հիմնված է ազգային արժեքների, ազգային նպատակների, հանրային պահանջարկի վրա...
Հայաստանի սոցիալական թվերը․ թվեր, որոնք կապված չեն միմյանց հետ
2017թ․ մեր երկրում ընտանեկան և սոցիալական նպաստ ստանում էր 100 հազար 288 ընտանիք…
«Ժողովուրդ». Առաջիկայում Հայաստանում նոր թանկացումներ կլինեն
Այսօր կարտոֆիլ վաճառվում է մեկ կիլոգրամը 80 դրամով, բայց գները մի փոքր կբարձրանան…
Ինչպիսի՞ն կլինեն այս տարի կաթի, մսի եւ կարտոֆիլի գները Հայաստանում. կանխատեսում
«Կառավարությունն այստեղ սխալ է թույլ տվել` նորմատիվներ չմշակելով...
Քննարկվել է հայկական միս-մսամթերքի Ռուսաստան արտահանումը վերականգնելու հարցը
ՍԱՏՄ ներկայացուցիչներն ընդգծել են, որ վերջին տարիներին պետությունը ակտիվ գործողություններ ու միջոցներ…