Google-ի նախկին տնօրեն Էրիկ Շմիդտը պնդում է, որ ԱՄՆ-ն վտանգում է Չինաստանին տանուլ տալ տեխնոլոգիաների համար պատերազմը: Աշխարհը կարող է սկսել ապրել կանոններով, որոնք կթելադրեն ՏՏ ընկերությունները եւ Չինաստանի կառավարությունը:
Շմիդտը New York Times-ի հետ հարցազրույցում նշել է, որ ԱՄՆ-ի եւ Չինաստանի միջեւ մրցավազքում անհնար է հաղթել միայն մասնավոր շուկայով, եւ Նահանգների կառավարությունը «պետք է խաղի մեջ մտնի լրջորեն»: Դրա համար ստիպված կլինի նոր տեխնոլոգիաների հետազոտության մեջ սահմանել ազգային առաջնահերթություններ, որոնք ունակ կլինեն ուժեղացնել երկրի պաշտպանությունն ու անվտանգությունը, հայտնում է Hightech+-ը:
Նա, մասնավորապես, Պենտագոնին կոչ է արել կենտրոնանալ ամենակարեւորի վրա՝ արհեստական ինտելեկտի, կենսատեխնոլոգիաների, քվանտային հաշվարկների եւ հիպերձայնի:
Շմիդտն առաջին անգամ չէ, որ նման ելույթ է ունենում: «Ամեն ինչ անչափ պարզ է: 2020-ի վերջին Չինաստանը մեզ կհասնի, 2025-ին կդառնա մեզնից լավը, իսկ 2030-ին կգերակայի ՏՏ ինդուստրիայում,- հայտարարել էր նա 2017 թվականին: - Հավատացեք ինձ, այդ չինացիները լավն են: Նրանք կսկսեն այդ տեխնոլոգիան օգտագործել ինչպես կոմերցիոն, այնպես էլ ռազմական նպատակներով, եւ կգտնեն դրա ամեն տեսակի կիրառություններ»:
Շմիդտը նաեւ Կոնգրեսին կոչ է արել հավանություն տալ Թրամփի առաջարկած բյուջեին, որը «վերջին 70 տարում հետազոտությունների եւ մշակումների ամենաբարձր ֆինանսավորումն ունի»: Եթե բյուջեն ընդունվի, պաշտպանության նախարարությանը կհատկացվի 705,4 մլրդ դոլար՝ գրեթե մեկ միլիարդով ավելի, քան անցյալ տարի: Առանց ԱՄՆ կառավարության մասնակցության՝ երկիրը Չինաստանի հետ տեխնոլոգիաների մրցավազքում հաղթելու հնարավորություններ չունի:
