Ավստրիայի կանցլեր Սեբաստիան Կուրցը Թուրքիային մեղադրել է շանտաժի մեջ այն բանից հետո, երբ երկիրն իր սահմանները բացել է եւ հազարավոր ներգաղթյալների թույլ տվել հատել Հունաստանի սահմանը, հաղորդում է Daily Mail-ը:
Կուրցի խոսքով՝ «Անկարան սկսել է ԵՄ-ի վրա հարձակումը՝ որպես լծակ օգտագործելով ներգաղթյալներին, եւ ԵՄ-ը չպետք է տրվի այդ շանտաժին»: Նա Թուրքիայի նախագահ Ռեջեփ Էրդողանին մեղադրել է մարդկանց «կեղծ խոստումներ տալու եւ նրանց Հունաստանի սահմանի մոտ հավաքելու» համար, որտեղից մարդիկ կարող են Եվրոպա մտնել: Նա նշել է, որ դա ԵՄ-ի համար ստուգում է, թե արդյոք նա կարող է պաշտպանել իր արտաքին սահմանները: «Կարող եմ ձեզ մի բան երաշխավորել՝ եթե ԵՄ-ի արտաքին սահմանները չեն աշխատում, ապա առանց ներքին սահմանների Եվրոպան դա պատմություն է»,- ասել է Կուրցը:
