News
Լրահոս
News
Կիրակի
Ապրիլ 05
USD
502.97
EUR
543.86
RUB
6.56
ME-USD
0.03
Տեսնել լրահոսը

Արդշինբանկը Սևծովյան առևտրի և զարգացման բանկից (ՍԱԶԲ) ներգրավել է 20 մլն ԱՄՆ դոլարի չափով թվով 5-րդ վարկային ռեսուրսը Հայաստանում փոքր և միջին ձեռնարկություններին (ՓՄՁ) աջակցելու համար: Այս գործարքը վկայում է երկու բանկերի սերտ համագործակցության և ՓՄՁ ոլորտի աջակցության միասնական նպատակի մասին:

«Մենք բարձր ենք գնահատում ՍԱԶԲ-ի հետ երկարամյա համագործակցությունը: Ներկայումս, երբ բիզնեսները, հատկապես փոքր և միջին, բախվել են տնտեսական խնդիրների, հայկական ձեռնարկությունների համար ֆինանսավորման այս հնարավորությունը շատ ավելի կենսական է, քան երբևէ: Մենք պատրաստ ենք աջակցել ՓՄՁ-ներին` արագ լուծելու այն խնդիրները, որոնք սրվում են ներկայիս արտակարգ իրավիճակի պայմաններում», - նշեց Արդշինբանկի վարչության նախագահ Արտակ Անանյանը:

Վարկային միջոցները տրամադրվել են 5 տարի ժամկետով, որը հնարավորություն կընձեռի Արդշինբանկին իրականացնելու միջնաժամկետ վարկավորում` փոքր և միջին ձեռնարկությունների հիմնական և շրջանառու միջոցների համալրման կարիքները ֆինանսավորելու համար:

«Այս դժվարին ժամանակներում, ՍԱԶԲ-ը միանում է մեր անդամ պետությունների ջանքերին՝ ուղղված կորոնավիրուսի տարածման կանխարգելմանը և մարդկային կյանքերի, հասարակությունների ու տնտեսական գործունեության վրա դրա ազդեցությանը: Հաշվի առնելով ռիսկի և իրացվելիության շուկայավարման ընկալումների ներկա կրիտիկական պայմանները և փոփոխությունները` Բանկը շարունակում է լինել ընկերությունների, ՓՄՁ-ների առավել խոցելի հատվածի կողքին և ցուցաբերել աջակցություն, որն անհրաժեշտ է մեր անդամ երկրներին և բիզնեսին», - ասաց ՍԱԶԲ - ի նախագահ Դմիտրի Պանկինը:

Սևծովյան առևտրի և զարգացման բանկը միջազգային ֆինանսական կառույց է ստեղծված խթանելու անդամ երկրների տնտեսական զարգացումը և նրանց միջև տարածաշրջանային համագործակցությունը` մասնավոր և պետական հատվածի առևտրի և ծրագրերի ֆինանսավորման՝ վարկերի, երաշխիքների տրամադրման և բաժնեմասնակցությունների ձեռքբերման միջոցով: Բանկը ՍԱԶԲ-ի կողմից առ այսօր ներգրավել է ընդհանուր 35 մլն ԱՄՆ դոլար վարկային միջոցներ՝ ուղղված ՓՄՁ վարկավորման ծրագրերի իրականացմանը:

Արդշինբանկը Հայաստանի առաջատար բանկերից մեկն է մասնաճյուղային լայն ցանցով:

Բանկի վարկային պորտֆելում ՓՄՁ վարկավորման մասնաբաժինը 15% է, կորպորատիվ վարկերինը՝ 46%, միկրո և մանրածախ վարկերինը՝ 39%: Բանկը դեռևս Հայաստանում առաջին և միակ մասնավոր կառույցն է, որը թողարկել է եվրոպարտատոմսեր միջազգային կապիտալի շուկաներում: 2020 թվականի տարեսկզբին եվրոպարտատոմսերի թողարկման ծավալը կազմել է 300 մլն ԱՄՆ դոլար:

***

Արդշինբանկը վերահսկվում է ՀՀ Կենտրոնական բանկի կողմից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամերիաբանկը շարունակում է ֆինանսապես սատարել ներմուծող և արտահանող ընկերություններին
Ներգրաված միջոցների շնորհիվ հնարավոր է դարձել ճկուն պայմաններով նոր հնարավորություններ ստեղծել երկրում առևտրի ֆինանսավորման համար...
ՀՀ կենտրոնական բանկը՝ Varks.am-ի դեմ ներկայացված բազմաթիվ դիմում-բողոքների վերաբերյալ
Ինչպես հայտնի է, ՀՀ կենտրոնական բանկի խորհրդի 24.03.2020թ. թիվ 13 ԾՕՀ-Ա որոշմամբ ուժը կորցրած է ճանաչվել Կազմակերպության գործունեության լիցենզիան...
Շահավետ առաջարկ ՀԱՅԲԻԶՆԵՍԲԱՆԿի Mastercard Պրեմիում դասի քարտապանների համար
ՀԱՅԲԻԶՆԵՍԲԱՆԿԻ բոլոր այն հաճախորդները, ովքեր հանդիսանում են Mastercard Platinum կամ World Elite քարտապան, մինչև 2020 թվականի դեկտեմբերի 31-ը կարող…
«Հայբիզնեսբանկը» եւս մեկ անգամ հիշեցնում է, որ կարող եք օգտվել հեռահար ծառայությունների ուղիներից
Միեւնույն ժամանակ, կորոնավիրուսի կանխարգելման միջոցառումների շրջանակներում, խնդրում ենք Բանկի հետ հաղորդակցումն իրականացնել...
IDBank-ը երկարաձգում է վարկային արձակուրդը մինչև մայիսի 17-ը և հայտարարում հաճախորդներին աջակցման երկրորդ փուլի մասին
Նշված ժամանակաշրջանի ընթացքում չկատարված պարտավորությունները կբաշխվեն վարկի մարման հաջորդող ամբողջ ժամանակահատվածի վրա...
«Հայբիզնեսբանկը» զգուշացնում է. պանդեմիայի ընթացքում եղե΄ք զգոն և զերծ մնացե΄ք զեղծարարությունից
Չբացել ոչ վստահելի աղբյուրներից ստացված էլեկտրոնային նամակների և տեքստային հաղորդագրությունների հղումները և կցված ֆայլերը...
Ամենաշատ
Ֆոտոռեպորտաժներ