News
Լրահոս
News
Շաբաթ
Հունիս 06
USD
481.74
EUR
546
RUB
7.01
ME-USD
0.03
Տեսնել լրահոսը

Ռուսաստանի նախագահ Վլադիմիր Պուտինը հանձնարարել է կես տարով երկարաձգել հարկերի վճարումը փոքր եւ միջին բիզնեսի համար, որը տուժել է կորոնավիրուսի համավարակի պատճառով, հաղորդում է Gazeta-ն։

Նախագահի հանձնարարականների ցանկը հրապարակված է Կրեմլի կայքում։

Երկրի ղեկավարը կարգադրել է մինչեւ մարտի 30-ը հետաձգել հարկային վճարումները վեց ամսով փոքր եւ միջին ձեռնարկատերերի համար, որոնք գործում են համավարակի հետեւանքով առավելապես տուժած ոլորտներում։

Հանձնարարականը ենթադրում է հարկերը եւ հարկային կանխավճարները գանձելու հետաձգում՝ բացառությամբ ավելացված արժեքի հարկի (ԱԱՀ)։

Մարտի 25-ին Ռուսաստանի նախագահ Վլադիմիր Պուտինը դիմել է ժողովրդին նոր տիպի կորոնավիրուսի տարածման կապակցությամբ՝ առաջարկելով լրացուցիչ միջոցառումներ համավարակի պայմաններում տնտեսությունը կայունացնելու համար։

2019 թվականի դեկտեմբերի 31-ին Չինաստանի իշխանությունները հայտարարել էին Ուհան քաղաքում թոքաբորբի բռնկման մասին։ Հիվանդության հարուցիչը նոր տիպի կորոնավիրուսն էր, որը ստացել է COVID-19 անվանումը։ Մարտի 11-ին Առողջապահության համաշխարհային կազմակերպությունը (ԱՀԿ) հայտարարել էր նոր կորոնավիրուսի համավարակ։

!
Այս նյութը հասանելի է նաև   Русский
Տպել
Ամենաշատ