5,1 մագնիտուդ ուժգնությամբ երկրաշարժ է տեղի ունեցել շաբաթ գիշերը ճապոնական հիմնական կղզի Հոնսյուի արեւելքում․ ցունամիի վտանգի մասին չի հայտարարվել, հաղորդում է ՏԱՍՍ-ը՝ հղում անելով Ճապոնիայի ազգային օդերեւութաբանական վարչությանը։

Ստորգետնյա ցնցումների էպիկենտրոնը Տոկիոյի հարեւանությամբ գտնվող Իբարաքի նահանգի հարավում է։ Օջախը գտնվել է շուրջ 50 կմ խորության տակ։

Տուժածների եւ ավերածությունների մասին տեղեկություններ չեն հաղորդվել։ Ստորգետնյա ցնցումները նաեւ զգացել են Տոկիո, Սաթամա, Տոտիգի, Թիբա եւ Ֆուկուսիմա նահանգների բնակիչները։