ԱՄՆ նախագահ Դոնալդ Թրամփը սաուդցիներին սպառնում է դուրս բերել ԱՄՆ զորքերը, եթե ՕՊԵԿ-ը չսկսի կրճատել նավթարդյունահանումը, հաղորդում է Reuters-ը:
Սաուդյան Արաբիայի թագաժառանգ արքայազն Մուհամմեդ բին Սալմանի հետ ապրիլի 2-ին անցկացրած հեռախոսազրույցի ժամանակ Թրամփն ասել է, որ եթե ՕՊԵԿ-ը կսկսի կրճատել նավթարդյունահանումը, նա չի կարող խանգարել ամերիկացի օրենսդիրներին՝ թագավորությունից ԱՄՆ զորքերը դուրս բերելու մասին օրենք ընդունելու հարցում:
Այդ սպառնալիքը կարող է փլուզել 75-ամյա ռազմավարական դաշինքը:
ԱՄՆ բարձրաստիճան պաշտոնյաներից մեկը գործակալության հետ զրույցում ասել, որ ԱՄՆ վարչակազմն իրազեկել է թագավորության առաջնորդներին, որ եթե կրճատում չլինի, ապա Կոնգրեսը սահմանափակումներ կմտցնի, որոնք կարող են հանգեցնել ԱՄՆ զորքերի դուրսբերմանը:
«Ես կարծում եմ, որ նա եւ նախագահ Պուտինը խելամիտ են: Նրանց համար դժվար չէ գործարք կնքել: Եվ ես այդ մասին կրկնել եմ հեռախոսազրույցի ժամանակ, եւ մեզ կհաջողվի նավթարդյունահանման կրճատման մասին համաձայնության հասնել»,-գործակալության հարցմանը պատասխանել է նախագահ Թրամփը:
