Հայաստանի եւ Ռուսաստանի միջեւ այնքան սերտ կապեր չկան կինեմատոգրաֆի ոլորտում, ինչպես ԽՍՀՄ-ի ժամանակ էր: Այս մասին մամուլի ասուլիսին հայտարարել է «Մոսֆիլմ» ռուսական կինոկոնցեռնի ղեկավար եւ ռեժիսոր Կարեն Շախնազարովը:
Ըստ նրա` ինքը վերջերս չի հիշում, որ ինչ-որ սկզբունքային բան արվի այս ուղղությամբ: «Ցավոք, մենք այդպիսի սերտ կապեր չունենք, ինչպես ԽՍՀՄ-ի ժամանակ էր: Մենք այդքան էլ մեծ կապեր չունենք հայկական կինոյի հետ: Հայ կինոռեժիսորները երբեմն գալիս եւ աշխատում են մեզ հետ: Տեխնիկապես մենք նրանց միշտ օգնում ենք, քանի որ մենք շատ լավ տեխնոլոգիական բազա ունենք, կինոնկար ստեղծելու համար անհրաժեշտ հիանալի սարքավորումներ` բոլոր առումներով,- նշել է Շախնազարովը: