Կառավարության միջոցները ուղղված են ոչ թե նախաճգնաժամային վիճակին վերադառնալուն, այլ երկարաժամկետ հեռանկարում տնտեսության արդիականացմանը, ինչին կարող է նպաստել վերջերս ավելի քան 200 միլիոն դոլարի չափով հաստատված վարկի համար ծրագրերի իրականացումը: Այս մասին NEWS.am-ի թղթակցի հետ զրույցում հայտարարեց Հայրենական ապրանքարտադրողների միության նախագահ Վազգեն Սաֆարյանը:
Փորձագետը նշեց ավանդական այգեգործության խթանման մասին կառավարության որոշման կարեւորությունը, եւ որ այս քաղաքականության շարունակությունը պետք է դառնա ցորենի ցանքատարածությունների ավելացումը, այդ թվում ներկայումս 150 հազար հեկտար չմշակված հողի վրա՝ պարենային անվտանգության մակարդակի բարձրացման համար։
Նրա խոսքերով՝ երկարաժամկետ հեռանկարում անհրաժեշտ է իրականացնել մոբիլիզացված արտադրության քաղաքականություն՝ հիմնվելով ներքին պաշարների վրա, քանի որ հետկորոնավիրուսային շրջանում եվրոպական երկրներ հումքի արտահանման ծավալները այն չեն լինի, ինչ որ նախկինում էին։
«Պետք է սկսել հումքի վերամշակումը երկրի ներսում եւ պատրաստի արտադրանքը օգտագործել տեղական արտադրության մեջ: Կարեւոր է նաեւ արդյունաբերության ոլորտում ԵՏՄ շրջանակներում նոր ընդհանուր տնտեսական քաղաքականության մշակումը, քանի որ էներգիակիրների վաճառքից բարձր կախվածությունը համաշխարհային շուկաներում գների տատանումների հետեւանքով նույն Ռուսաստանի համար այսօր հանգեցրել է այդ երկրի եկամուտների էական կրճատման»,- հավելեց նա։
Սաֆարյանը պարզաբանեց, որ 20 տարվա ընթացքում Հայաստանի բացասական առեւտրային սալդոն կազմել է 37 մլրդ դոլար, իսկ այս իրավիճակի փոփոխության համար պետք է զարգացնել ներքին արտադրությունը եւ դադարեցնել արտարժույթի արտահոսքը երկրից։
«Հայաստան տրանսֆերտների դրական սալդոն անցյալ տարի 504 մլն դոլարը եւ եւս այդքան անձնական փոխանցումները պետք է օգտագործել «հումքային կցորդի» մակարդակից արդյունաբերական տնտեսությանը երկրի անցման համար։ Պետք է լիբերալ տնտեսությունից անցնել պետական կարգավորիչներով բանաձեւի։ Հաջողության կհասնեն հենց այն պետությունները, որոնք դա բոլորից շուտ կանեն»,- ամփոփեց նա։