Հայաստանում օլիգարխիան ամբողջությամբ արմատախիլ չի արվել, ինչպես նախկինում ասում էր վարչապետ Նիկոլ Փաշինյանը: Այս մասին մայիսի 7-ին ԱԺ-ում Կառավարության 2019 թվականի ծրագրի իրականացման ընթացքի մասին հաշվետվության քննարկման ժամանակ ասաց պատգամավոր Արման Բաբաջանյանը:
Նրա խոսքով՝ Հայաստանում օլիգարխիան դեռեւս գործում է, որը շարունակում է կառավարությունից իր բիզնեսի համար խոշոր արտոնություններ ստանալ:
«Այս բառի լայն իմաստով, օլիգարխիան դեռեւս շարունակում է պահպանել տնտեսական ակտիվների մեծ մասը»,- շեշտեց պատգամավորը՝ հավելելով, որ օլիգարխան նաեւ որոշակի ազդեցություն ունի իշխանության տարբեր ճյուղերի վրա:
