Եվասիական տնտեսական միության (ԵՏՄ) երկրների առաջնորդները ընդհանուր առմամբ հավանություն տվեցին մինչեւ 2025 թվականը ինտեգրացիայի զարգացման ռազմավարական ուղղություններին, բայց այն ուղարկեցին լրամշակման: Համապատասխան որոշումն ընդունվել է երեքշաբթի Եվրասիական տնտեսական բարձրագույն խորհրդի նիստում, որն ընթանում է տեսակոնֆերանսի ռեժիմում, հայտնում է ԲԵԼՏԱ գործակալությունը:

Գործակալության տեղեկություններով՝ ռազմավարությունը լրամշակվելու է հաշվի առնելով կողմերի մի շարք առաջարկներ:

ԵՏՄ երկրները լրացուցիչ խորհրդակցություններ են անցկացնելու Կուբայի հետ՝ նախքան նրան միավորումում դիտորդ-պետության կարգավիճակ տրամադրելը:

Եվրասիական տնտեսական բարձրագույն խորհրդի նիստը նախատեսվում է անցկացնել հոկտեմբեր-նոյեմբերին Մինսկում առերես ձեւաչափով: