News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Սպիտակ տունը չի վիճում, որ Միացյալ Նահանգներում համակարգային ռասիզմը դեռ արմատախիլ չի արվել, լրագրողների հետ զրույցում հաստատել է Միացյալ Նահանգների նախագահի ավագ խորհրդական Քելիեն Քոնուեյը՝ մեկնաբանելով երկրում բռնկված լայնամասշտաբ բողոքի ցույցերի եւ անկարգությունների ալիքը՝ ոստիկանության կողմից սեւամորթ բնակչության դեմ ուժի անհամաչափ կիրառման նոր դեպքերի պատճառով, փոխանցում է ՏԱՍՍ-ը:

«Դա հենց այդպես է, այս երկրում կա ինստիտուցիոնալ ռասիզմ, բոլոր մարդկանց հավասարության բացակայություն: Դրանում, կարծում եմ, կասկած չկա»,- ասել է Դոնալդ Թրամփի օգնականը: Ըստ նրա՝ «կա անհավասարություն եւ կա ինստիտուցիոնալ ռասիզմ շատ տեղերում եւ շատ մարդկանց սրտերում» Միացյալ Նահանգներում»: «Նախագահը անխոնջ աշխատում է»՝ այդպիսի խնդիրներն արմատախիլ անելու համար, վստահեցրել է Քոնուեյը:

Նա խստորեն դատապարտել է իրավապահ մարմինների գործողությունները Մինեապոլիսում (Մինեսոտա) տեղի ունեցած միջադեպի ժամանակ, ինչը խթան էր հանդիսացել ներկայիս անկարգությունների համար: Քոնուեյը տեղի ունեցածը «Ջորջ Ֆլոյդի սպանություն» է անվանել:

«Ես [նկարագրության համար] այլ բառեր չունեմ»,- շեշտել է ԱՄՆ վարչակազմի ղեկավարի խորհրդականը: «Ես ուրախ եմ, որ ԱՄՆ արդարադատության նախարարությունը հետաքննություն է սկսել դաշնային մակարդակում [Ֆլոյդի մահվան հանգամանքների վերաբերյալ]: Տեսնենք, թե դրանից ինչ դուրս կգա»,- նշել է Քոնուեյը:

!
Այս նյութը հասանելի է նաև   English and Русский
Տպել