ՀՀ ֆինանսների նախարարությունն իրավունք կստանա հանրային հատվածի համար ենթաօրենսդրական ակտ մշակել: Այս մասին այսօր ԱԺ ֆինանսավարկային եւ բյուջետային հարցերի մշտական հանձնաժողովի նիստում հայտարարեց ֆինանսների նախարարի տեղակալ Արման Պողոսյանը:
Նա նշեց, որ Սահմանադրության նոր խմբագրմամբ՝ գործադիր իշխանության ղեկավարին իրավունք է տրվում կարգավորել ենթաօրենսդրական ակտերի ճանապարհով այս կամ այն ոլորտը: «Սակայն այդ իրավունքը պետք է ամրապնդվի օրենսդրական մակարդակով: Բացի այդ, մենք առաջարկում ենք նմանատիպ իրավունք տրամադրել ֆիննախին»,-ասաց Պողոսյանը:
Բացի այդ, օրինագծով կարգավորվում է հանրային հատվածի կազմակերպությունների ցանկը:
Տվյալ օրինագծի կիրառումը նախատեսված է սկսել հանրային հատվածի տվյալների բազայի ներդրմամբ:
Քննարկումներից հետո հանձնաժողովը դրական եզրակացություն տվեց տվյալ օրենսդրական նախաձեռնությանը: