Mazda ընկերությունը ցուցադրել է 3-րդ սերնդի BT-50 պիկապը: Մոդելը նոր է. դրա հիմքում ընկած է Isuzu D-Max պլատֆորմը: BT-50-ը կստանա Isuzu նոր շարժիչ, հաղորդում է Motor-ը:
Դեռ ներկայացվել է ավստրալիական շուկայի համար երկու շարք ունեցող խցիկով եւ 1065 կգ հզորությամբ: Այն կոմպելկավորվում է Isuzu 3 լ տուրբոդիզելով, որը զարգացնում է 190 ձիաուժ եւ 450 Նմ պտտեցնող պահ:
Ներկայիս տուրբոդիզելը համակցվում է 6 աստիճան մեխանիկական փոխանցման տուփով:
Սերնդի փոփոխության հետ փոխվել են նաեւ չափերը: Նախորդի հետ համեմատած երկարությունը կրճատվել է 93 մմ-ով՝ մինչեւ 5373 մմ, իսկ բարձրությունը՝ 25 մմ-ով՝ մինչեւ 1790 մմ: Անվային բազան փոքրացել է 95 մմ-ով եւ կազմել 3125 մմ: Միեւնույն ժամանակ, պիկապը լայնացել է 20 մմ-ով՝ մինչեւ 1870 մմ:
Ինչ վերաբերում է դիզայնին, ապա Mazda BT-50-ը ստացել է օրիգինալ առջեւի մաս: Սրահը եւս փոխվել է. Maza-ի ֆիրմային առանձնահատկությունները ներդաշնակ են D-Max-ի հետ:
Ավստրալիական BT-50-ն ունի կաշվե սրահ, ադապտացված կրուիզ կոնտրոլ, ավտոմատ արգելակելու համակարգ: Մոդելը վաճառքի կհանվի 2020 թվականի երկրորդ կեսին եւ կմատակարարվի Թաիլանդում Mazda գործարանից:
