Հարց է առաջանում՝ ի՞նչ է լինելու մարդկանց հետ, ովքեր ապրում են վթարային շենքերում, եւ ովքեր իրենց տան վթարային վիճակի պատճառով ազատվել էին գույքահարկից: Այս մասին այսօր ԱԺ արտահերթ նիստում հայտարարեց «Լուսավոր Հայաստանի» պատգամավոր Արմեն Եղիազարյանը:
Նա նկատեց, որ երկար տարիներ երկրի իշխանությունները, ըստ էության, ոչինչ չեն արել վթարային շենքերի ամրացման համար: «Եվ այժմ այդ վթարային շենքերը հարկային դաշտ են մտցնում: Դա ճի՞շտ է: Կարծում եմ՝ ոչ: Դուք պետք է վերանայեք այդ որոշումը»,-ասաց նա: