Միացյալ Նահանգները նախատեսում է թույլ տալ Ալյասկայում 1923 թվականին պահածոյացված նավթային արգելոցի մակերեսի 82 տոկոսի արդյունահանումը, մինչդեռ անցյալ տարի կազմված նախնական ծրագրերով նախատեսվում էր, որ տնտեսական յուրացման համար կփոխանցվի դրա տարածքի շուրջ 50 տոկոսը: Այս մասին նշված է ԱՄՆ ՆԳՆ հինգշաբթի տարածած հաղորդագրության մեջ, փոխանցում է ՏԱՍՍ-ը:
Նախարարության հրապարակած փաստաթղթի համաձայն՝ նախատեսվում է տնտեսական շրջանառության մեջ մտցնել 73 հազար քառակուսի կիլոմետր հող: Սա Ալյասկայում մոտ 93 հազար քառ.կմ ընդհանուր մակերեսով նավթային արգելոցի տարածքի գրեթե 80 տոկոսն է, որը մշակման համար փակվել էր 1923 թվականին, որ ապագայի համար պահեին Միացյալ Նահանգներում նավթի սեփական պաշարները: ԱՄՆ ՆԳ նախարարության նախորդ առաջարկը, որը պատրաստվել էր անցյալ տարվա աշնանը, թույլ էր տալիս շրջանառության մեջ մտցնել միայն մոտ 44 հազար քառ.կմ-ը:
Այս տարածքում նավթի պաշարների ծավալը գնահատվում է շուրջ 8,7 մլրդ բարել:
Մշակման համար նավթային արգելոցի բացումն իրականացվում է ԱՄՆ նախագահ Դոնալդ Թրամփի՝ նավթային շուկայում երկրի առաջատար դիրքն ապահովելու ծրագրերի շրջանակում: «Նախագահ Թրամփը խոստացել է ընդլայնել հասանելիությունը մեր ունեցած նավթային ներուժին: Այսօր մենք նշանակալի քայլ ենք կատարում այդ խոստման կատարման ուղղությամբ»,- ասել է ԱՄՆ ՆԳ նախարար Դեւիդ Բեռնհարդտը:
