News
Լրահոս
News
Ուրբաթ
Օգոստոս 14
USD
485.17
EUR
574.15
RUB
6.6
ME-USD
0.01
Տեսնել լրահոսը

Վերջին օրերին մեր երկրում տեղի է ունենում գռեհիկ գործընթաց՝ տարբեր տեսակի հեռախոսային խոսակցությունների ձայնագրում, հրապարակում եւ տարածում։ Այս մասին իր հոդվածում նշել է «Այլընտրանքային նախագծեր խմբի. Անդամ Էլինար Վարդանյանը:

Նա, մասնավորապես, նշել է. «Սա անթույլատրելի երեւույթ է, որին չարձագանքելը մեզ բոլորիս կդարձնի հանցակից։

Վերջին ամսում ծավալվող իրադարձությունները թույլ են տալիս ենթադրել, որ սա առնվազն իշխանության մի թեւի, իսկ եթե իշխանության ներսից չլինի արձագանք, ապա գուցե՝ ամբողջ իշխանության գործելաոճն է։ Եվ վերաբերմունքը պետք է լինի համարժեք։

Ինչպիսի՞ն պետք է լինի նորմալ մարդու, ընթերցողի արձագանքը եւ անելիքը տվյալ իրավիճակում. պարզապես չլսել, չդիտել, չկարդալ  այդ արտահոսքերը,  այդ ձայնագրությունները, այդ ճանապարհով արձանագրել սեփական անհամաձայնությունը եւ արհամարհանքը ստոր գործելաոճի նկառմամբ։ Այդպիսով՝ անհատական մակարդակում մերժել եւ չմասնակցել կեղտոտ ակցիային։

Ինչպիսի՞ն պետք է լինի քաղհասարակության ինստիտուտների արձագանքը. չլռել։ Սա մարդու իրավունքների կոպտագույն խախտում է, որին պետք է արձագանքի յուրաքանչյուր գիտակից քաղաքացի, եւ առաջին հերթին՝ իրավապաշտպան հկ-ներն ու անհատները։ Լռությունն այս պարագայում չի հասկացվում։

Սա քաղաքական նախասիրությունների խնդիր չէ։ Այս ամենը խորացնում է ատելության, զրպարտություններով եւ մատնություններով լի մթնոլորտը։

Տպել