Հուլիսի 8-ին ՀՀ Ազգային ժողովում ավարտվեց Տնտեսական մրցակցության պաշտպանության պետական հանձնաժողովի անդամի ընտրության գաղտնի քվեարկությունը։
Խորհրդարանի հաշվիչ հանձնաժողովի նախագահ, «Իմ քայլը» իշխող դաշինքի պատգամավոր Վահագն Հովակիմյանը հիշեցրեց, որ կառավարությունը ՏՄՊՊՀ անդամի թափուր պաշտոնի համար առաջադրել էր Կարեն Սեդրակյանին, ով նախկինում եւս զբաղեցնում էր այդ պաշտոնը։ Գաղտնի քվեարկությունում 132 պատգամավորից մասնակցել է 86-ը։ Սեդրակյանին կողմ է քվեարկել 80 խորհրդարանական, 6-ը դեմ է քվեարկել:
