Ռոտերդամի (Նիդեռլանդներ) իշխանությունները հայտարարել են, որ կտեղադրեն նոր կամուրջ, որը պատրաստված է վերամշակված նյութերից, հիմնականում՝ պլաստիկից, եւ տպված է 3D տպիչով, գրում է Europuls-ը:
6,5 մետր երկարությամբ կամուրջը Քրալինգս Բոս այգում կհայտնվի մինչեւ 2020 թվականի վերջը:
Նոր կամուրջը կփոխարինի գոյություն ունեցող փայտե կամրջին, որը կառուցվել է 1975-ին: Ինժեներների հաշվարկներով՝ նոր կամուրջը երկու անգամ ավելի երկար կծառայի, այսինքն՝ մինչեւ 2100 թվականը:
Դրանում կամրջին կօգնեն ոչ միայն նյութերն ու շինարարությունը, այլեւ հաղորդիչները, որոնցով պատրաստվում են այն հագեցնել: Հաղորդիչները տվյալներ կհավաքեն կամրջի վիճակի վերաբերյալ եւ դրանք կհանձնեն կառույցի «թվային կրկնօրինակին»: Այսպիսով, հնարավոր կլինի վերահսկել դրա անվտանգությունը եւ անհրաժեշտության դեպքում վերանորոգել:
Նոր կամրջի եւս մեկ առավելությունն այն է, որ դրա պահպանման ժամկետի ավարտից հետո բոլոր նյութերը կարող են վերամշակվել եւ նորից օգտագործվել: