Լյուքսեմբուրգում ԵՄ դատարանը ամերիկյան Apple կորպորացիայի կողմն է կանգնել Եվրահանձնաժողովի հետ ըկերության՝ մի քանի տարի շարունակվող կոնֆլիկտում: Չորեքշաբթի՝ հուլիսի 15-ին, այն չեղյալ հայտարարեց 13 միլիարդ եվրոյի տուգանքը, որը 2016-ին բրյուսելյան գերատեսչությունը ներկայացրել էր տեխնոլոգիական հսկային, փոխանցում է DW-ն:
Ըստ դատավորների՝ Եվրահանձնաժողովը սխալմամբ ենթադրում էր, որ ամերիկյան կոնցեռնն անօրինական կերպով հարկային արտոնություններ է ստացել Իռլանդիայում իր դուստր ձեռնարկությունների համար: Դատարանը չեղյալ է հայտարարում որոշումը, քանի որ Եվրահանձնաժողովը չի կարողացել անհրաժեշտ ապացույցներ տրամադրել առ այն, որ Apple-ի կողմից արտոնություններ են ստացվել, նշվում է հայտարարության մեջ:
ԵՀ-ի որոշման դեմ դատական գործը հարուցվել էր ընկերության ղեկավարությունը Դուբլինում: Կողմերն իրավունք ունեն բողոքարկել դատարանի որոշումը:
2016-ին Եվրահանձնաժողովը Apple-ից պահանջել էր 13 միլիարդ եվրո վճարել՝ ընկերությանը մեղադրելով 2003-2014 թվականներին Իռլանդիայում անօրինական հարկային արտոնություններ ստանալու մեջ: Ի պատասխան, Իռլանդիան եւ Apple-ը հայց էին ներկայացրել ԵՄ դատարան՝ այդ պահանջն անվավեր ճանաչելու համար: Մինչդեռ Apple-ը տուգանքի պահանջվող գումարը փոխանցել էր արգելափակված հաշվին, ինչից հետո Եվրահանձնաժողովը հետ վերցրեց ԵՄ օրենսդրության խախտման մասին հայցը:
