News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը


Ադրբեջանը խնդիր ուներ լարվածություն մտցնել սահմանին, դա կլիներ՝ Տավուշում, Նախիջևանի հատվածում, թե Արցախի ուղղությամբ, որևէ կապ չունի։ Այս մասին NEWS.am-ի հետ զրույցում ասաց «Հենակետ» վերլուծական կենտրոնի ղեկավար Տիգրան Աբրահամյանը։

«Խնդիր էր դրված ապակայունացնել սահմանը, և դա այս անգամ եղավ Տավուշում»,- ընդգծեց նա։

Հակառակորդի կողմից ռազմական գործողությունների սկսելը, Տիգրան Աբրահամյանը դիտարկում է մի քանի տեսանկյունից։ Նա հիշեցնում է, որ հուլիս 7-ին, Ադրբեջանի նախագահը քննադատել է ԵԱՀԿ Մինսկի խմբին և նշել, որ բանակցություններն անարդյունք են։

«Առաջին հերթին ես սա դիտարկում եմ բանակցային գործընթացում ստեղծված իրավիճակով։ Ըստ էության, 2019թ․-ի օգոստոսից Ադրբեջանն անընդհատ ուղերձներ էր հղում, որ ինքը բավարարված չէ բանակցային գործընթացից։ Վերջինը հուլիսի 7-ին էր, երբ Ադրբեջանի նախագահը ոչ միայն դժգոհեց միջնորդներից, այլև հստակ նշեց, որ այս փուլում դիտարկում են որևէ ֆորմատով չհանդիպել։ Ըստ էության, դրանով անոնսեց, որ իրադարձությունները քաղաքական, դիվանագիտական հարթությունից տեղափոխվում են սահման։ Ըստ էության, սա նաև կանխատեսելի էր»,- ասաց Տիգրան Աբրահամյանը՝ հավելելով, որ դա սպառնալիք էր, բայց այս փուլում սպառնալիքը ծանր վնասներ հասցրեց հենց Ադրբեջանին։

Հավելենք, որ Ադրբեջանի նախագահը հայտարարել էր, որ իրենք ուզում են ըստ էության բանակցություններ՝ առանց դրանց ձևաչափը փոխելու։ Այդ դեպքում իրենք դրանց կմասնակցեն, հակառակ դեպքում՝ անիմաստ բանակցությունների կարիքը չեն տեսնում։

Անդրադառնալով խոսակցություններին, որ հուլիսի 12-ից հայ-ադրբեջանական պետական սահմանագոտու հյուսիսարևելյան հատվածում սկսած ռազմական գործողությունների արդյունքում հայկական կողմը դիրքեր է բարելավվել, Տիգրան Աբրահամյանը զերծ մնաց մեկնաբանություն տալուց, նշելով՝ դա ՊՆ-ի տիրույթում է։ Սակայն, ըստ նրա՝ իրադարձությունները ցույց են տալիս, որ հայկական զինուժը բարելավվել է մարտական հենակետերը, ինչը հայկական կողմին հնարավորություն է տվել հակառակորդին հակահարվածներ հասցնել։

«Այս իրավիճակում հայկական զինուժը նաև այն հայեցակարգով, որը դրված է պաշտպանական գերատեսչության առաջ, որևէ ուղղություններով վարվելու է այդ նույն քաղաքականությամբ։ Այսինքն՝ հակառակորդի ցանկացած առաջադրած խաղին մեր հակախաղը լինելու է նոր բարելավումներով՝ հասցնելով շատ ավելի մեծ վնասներ»,- ասաց նա։

Ինչ վերաբերում է երեկ Բաքվում տեղի ունեցած ցույցերին և դրա հետևանքներին, Տիգրան Աբրահամյանի խոսքով՝ Լեռնային Ղարաբաղի հակամարտության գործոնը միշտ էլ ակտիվ խաղաքարտ է եղել ադրբեջանական վերնախավում և տարբեր առիթներով դրանք օգտագործվել են հանրությանը լռեցնելու, կամ տարբեր իրադարձություններից շեղելու համար։

«Իմ կարծիքով այդ ակցիաները, որոնք ամսի 12-ից են սկսել, երեկ արդեն դուրս են եկել վերահսկողությունից, որովհետև դրանց միացել են խմբեր, որոնք խնդիր ունեն՝ հասկանալու, թե ինչ է կատարվում սահմանին, ինչո՞ւ են այդ գինը վճարում։ Սրա հետևանքը կարող է դառնալ իշխանությունների նկատմամբ ճնշումների մեծացումը, ինչը իրենց համար լավագույն ճանապարհ միգուցե դառնա որոշակի պաշտոնանկությունները տարբեր օղակներում, սակայն սա ունակ է նաև վերածվելու Ադրբեջանի կենտրոնական իշխանությունների դեմ ուղղված մեծ ճնշումների, ընդհուպ՝ իշխանափոխության գործընթացի։ Պետք է նկատել նաև, որ սրան զուգահեռ սոցիալ-տնտեսական ուղղությամբ խնդիրներ կան կուտակված, որոնք բողոքի դրևորումներ էին հանգեցրել»,- ասաց նա, և միևնույն ժամանակ հավելեց, որ ցավոք այդ իրավիճակն իշխանություններին կարող է մղել նաև ծայրահեղ քայլերի։

«Օրինակ՝ լսել այն պահանջները, որոնք ուղղված են ռազմական գործողությունների միջոցով խնդրի կարգավորումը։ Միգուցե, նա չգնա այդ կարգավորումներին, բայց փորձի սահմանի տարբեր ուղղություններով որոշակի լարվածության ալիքներ ստեղծել, ցույց տալու գործընթաց, որ աստիճանաբար գնում են իրենց հռչակած ճանապարհով։ Այս պահին Ադրբեջանի իշխանությունները շատ վատ իրավիճակում են, և լուծումները մեկը մեկից կարող են ծայրահեղ հետևանքներ ունենալ»,- շեշտեց պարոն Աբրահամյանը։

«Հենակետ» վերլուծական կենտրոնի ղեկավարը գոնե այս պահին ՀԱՊԿ-ից ռազմական աջակցություն ստանալու անհրաժեշտություն չի տեսնում։

«Լավ կլինի, որ Հայաստանի իշխանությունը ունենա հստակ հարցադրումներ, թե ինքը ի՞նչ գործունեություն է ծավալում այդ կազմակերպությունում, ի՞նչ ակնկալիքներ ունի նրանից, և որ իրավիճակում ինչ կարող է ստանալ։ Ու ամենակարևորը՝ սրա հետ կապված երկխոսի հասարակության հետ»,- ասաց նա։

Օրերս Տիգրան Աբրահամյանը ֆեյսբուքյան էջում գրել էր, որ պետք է արժանին մատուցել մեր այն զինծառայողներին, ովքեր անմիջապես իրենց ուսերին են կրում ադրբեջանական ագրեսիային հակազդելու և նրանց ծանր հարվածներ հասցնելու պատասխանատվությունը։ Պարոն Աբրահամյանից հետաքրքրվեցինք, թե խոսքը կոնկրետ ինչի՞ մասին է, ինչին ի պատասխան ասաց՝ զինվորականների դերի բարձրացման մասին է։ «Մենք որպես պետություն, հատկապես, որ անընդհատ պատերազմի մեջ ենք գտնվում, պետք է ստեղծենք ամուր սոցիալական երաշխիքներ, հնարավորություններ։ Երբ ասում ենք՝ սպան հայ էլիտան է, պետք է ոչ միայն հայտարարություն լինի, այլ իրականում այդպես պետք է արտահայտված լինի։ Զինված ուժերի զարգացման և արդիականացման մեր առաջնահերթությունը ես տեսնում եմ սպայական դպրոցի կայացումը, իհարկե, մենք ունենք կայացած դպրոց, որոնք գեներալներ են տալիս, նույն Տավուշի կորպուսի հրամանատար Խաչատուրովը, որը Վազգեն Սարգսյանի անվան ռազմական համալսարանն է ավարտել»,- նկատեց նա, ապա հավելեց, որ հաճախ, երբ սահմանին ակտիվություն չի լինում, զինվորականների, նրանց խնդիրներ մասին շատ չի խոսվում, մինչդեռ նրանց նկատմամբ հարգանքը չպետք է դիտվի սահմանային ակտիվությունից ակտիվություն։

Տպել
Կարդացեք նաև
Ամբողջը
Տավուշի դեպքերի ժամանակ զոհված Սոս Էլբակյանի անունով փողոց է անվանակոչվել Մարմաշենում
2020 թվականի հուլիսյան մարտերին հայ-ադրբեջանական սահմանին մահացու…
Ֆրանսիայում տեղի է ունեցել հայ ցուցարարների վրա հարձակված թուրքերի դատական 1-ին նիստը
Փաստաբանը նշել է, որ Չեթինն ընդունել է իր սխալն ու դադարեցրել է քաղաքական բոլոր գործունեությունները...
Մենք ականատես ենք եղել Ադրբեջանում Թուրքիայի ռազմական ներկայության տարրերի. ԱԳ նախարար
Աշխարհի բոլոր երկրները շատ զգույշ են եղել՝ չխթանելու էսկալացիայի հետագա սրացում, և միայն Թուրքիան էր, որ ցուցաբերում էր շատ միակողմանի մոտեցում…
Ռոբերտ Քոչարյան. «Ակն ընդ ական» սկզբունքը միշտ է գործում առաջնագծում
«Հուլիսյան բախումների մասշտաբներն ինքնին մեծ չէին, նույնիսկ անհամեմատելի էին 2016-ի իրադարձությունների հետ, սակայն ավելի մեծ գործողությունների վերաճման սպառնալիք միշտ կա...
Դաշնակցությունը Հայոց բանակի եւ սահմանապահ գյուղերի կողքին է․ ՀՅԴ Բյուրոյի ներկայացուցչի ուղերձը
Անցած ամիս Տավուշի շրջանի վրա Ադրբեջանի կատարած հարձակումից հետո, բնականաբար, անհրաժեշտ էր, որ...
Ռազմական անվտանգության ապահովումն օրախնդիր է. չպետք է իլուզիաներով տառապենք. քաղաքագետ
Թուրքիայի ռազմական ներկայությունն ուղղակիորեն կապված է նաև Հայաստանի ռազմական անվտանգության հետ...
Ամենաշատ