Եվրասիական տնտեսական միության (ԵՏՄ) Վարչապետների հաջորդ հանդիպումը կկայանա հոկտեմբերին Երեւանում, ուրբաթ հայնել է ՀՀ վարչապետ Նիկոլ Փաշինյանը:
«Ուզում եմ հիշեցնել, որ Հայաստանը պատրաստակամություն է հայտնել հյուրընկալել Երեւանում Եվրասիական միջկառավարական խորհրդի հաջորդ հանդիպումը: Ուրախ եմ, որ մենք արդեն որոշում ենք կայացրել այդ կապակցությամբ: Այնպես որ, ես սպասում եմ բոլորիդ հոկտեմբերին Երեւանում»,- ասել է Փաշինյանը Մինսկում՝ ԵԱՏՄ ընդլայնված կազմով միջկառավարական խորհրդի նիստի ժամանակ:
Եվրասիական տնտեսական միությունը միջազգային ինտեգրացիոն տնտեսական միություն է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը եւ Ղրղզստանը: Այս տարի ԵԱՏՄ-ում նախագահում է Բելառուսը։
