Ընթացիկ տարվա առաջին կիսամյակում հարկային մուտքերը գրանցել են 90 մլրդ դրամով անկում, ինչն անչափ շատ է: Այս մասին հուլիսի 28-ին լրագրողների հետ հանդիպման ժամանակ ասաց Հայաստանի Հանրապետական կուսակցության նախկին պատգամավոր, տնտեսագետ Գագիկ Մինասյանը: Նրա խոսքով՝ սա կազմում է պետության ընդհանուր եկամտի 16,7 տոկոսը:
Անդրադառնալով ներքին տուրիզմի ոլորտին՝ Մինասյանը նշեց, որ այստեղ անկումը, ընդհանուր առմամբ, թույլ է եղել: «Սակայն հարկ է նշել, որ եթե բնակչության մեծ մասի եկամուտները նվազել են, ապա դժվար է այս ոլորտում մեծ հաջողություններ ակնկալել: Վերջերս պարետի որոշմամբ Ջերմուկում փակվեցին մի քանի հանգստյան տներ: Իսկ հիմա պատկերացրեք, եթե քաղաքացին իմանա այն մասին, որ ինչ-որ տեղ կգնա, ապա նրան կփակեն մեկուսացման շրջանակում: Սա պարզապես ուղղակիորեն հարվածում է ներքին տուրիզմին»,- դժգոհեց նախկին պատգամավորը:
Ինչ վերաբերում է արտագնա տուրիզմին, ապա, ընդդիմադրի կարծիքով, այստեղ ընդհանրապես հեռանկարներ չկան: «Գործող իշխանությունների վարած քաղաքականության շնորհիվ Հայաստանը դարձել է իզգոյ երկիր: Շատ երկրներ վերականգնում են իրենց ավիափոխադրումները, սակայն Հայաստանի մասին խոսք չկա»,- ամփոփեց Գագիկ Մինասյանը:
