News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը

ԱՄՆ քաղաքական գործիչները ռիսկի են դիմում «սարսափելի սխալ» թույլ տալ՝ սրելով լարվածությունը Չինաստանի հետ, CNBC-ին ասել է տնտեսագետ Ջեֆրի Սաքսը:

Կոլումբիայի համալսարանի պրոֆեսոր եւ ՄԱԿ-ի Կայուն զարգացման լուծումների ցանցի տնօրեն Սաքսը նախազգուշացրել է, որ Չինաստանի հետ «աշխարհաքաղաքական «սառը պատերազմը»» կվտանգի գլոբալ անվտանգությունը կորոնավիրուսի համավարակի պատճառով արդեն իսկ անհանգիստ ժամանակահատվածում:

«Վերջին «սառը պատերազմը» բավական վտանգավոր էր»,- ասել է նա: «Նորը ավելի վտանգավոր կլինի»:

Սաքսն ասել է, որ Չինաստանի վրա հարձակումը դարձել է քաղաքական շահի համար երկկուսակցական ռազմավարություն: «Չնայած քաղաքականությունը խաղ է եւ բավականին բարդ, այն նաեւ չափազանց վտանգավոր մարզաձեւ է, եւ փաստերի ու ստերի հետ խաղը, որոնք այժմ ասվում են Չինաստանի մասին, հետեւանքներ ունի»,- ասել է նա:

Որոշ ընկերություններ հայտարարել են, որ համավարակից հետո կվերագնահատեն իրենց կախվածությունը չինական մատակարարման ցանցերից: Սաքսը կարծում է, որ շարժումը դեպի «արտադրողական ազգայնականություն» արդեն սկսվել է, քանի որ երկրները մրցում են տնտեսության նոր ոլորտներում, ինչպիսիք են էլեկտրական մեքենաները եւ էներգիայի վերականգնվող աղբյուրները:

Նա աշխարհի առաջնորդներին կոչ է արել միավորվել այնպիսի հարցերի շուրջ, ինչպիսիք են կլիմայի փոփոխությունը, քանի որ տնտեսությունն ապրում է «ոչնչացման եւ անցման ծայրահեղ անկայուն շրջան»: «Եթե մենք միասին բախվենք (այս ճգնաժամերին)՝ պարկեշտության զգացումով հպարտ կլինենք, որ չնայած բոլոր սպառնալիքներին՝ հաղթահարել ենք դա»,- ասել է նա: «Եթե մենք դիրքավորվենք յուրաքանչյուրն ինքն իր համար, ապա մենք մեծ ափսոսանքով կանդրադառնանք դրան»:

 

!
Այս նյութը հասանելի է նաև   Русский
Տպել