News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Հաշվի առնելով Բեյրութում տեղի ունեցած պայթյունի ողբերգական հետեւանքները,  Պողոսյան հիմնադրամը որոշել է զգալիորեն ավելացնել 2020 եւ 2021 թվականների իր աջակցությունը Լիբանանում։ Այս մասին հայտնում է հիմնադրամը։

Հիմնադրամի համանախագահներ Ժան եւ Ալբերտ Պողոսյանների՝ 250 հազար դոլարի նպատակային անհապաղ ներդրումը կուղղվի Բեյրութի Մեսրոպյան դպրոցի շենքի վերականգնմանը, հազարավոր սննդային հրատապ փաթեթների առաքմանը, իսկ 80 սովորողների կհատկացվի 2000-ական դոլարի կրթաթոշակ։   

Բեյրութի Մեսրոպյան դպրոցը, որին Պողոսյան հիմնադրամն աջակցում է 1996 թվականից, պայթյունի հետեւանքով հիմնովին վնասվել է. փշրվել են ապակիները, քանդվել պատերը։ Ուսումնական տարվա մոտենալու հետ խիստ հրատապ է դպրոցի շենքի վերականգնումը եւ վերանորոգումը։  

Պողոսյան հիմնադրամը 1988 թվականից կրթական եւ մշակութային խոշոր ծրագրեր է իրականացնում նաեւ Հայաստանում (Գյումրու Տիրամայր Հայաստանի Պողոսյան կրթահամալիրի հիմնում, Սպիտակ քաղաքում մշակույթի պալատի եւ երաժշտական դպրոցի կառուցում, Թալինի տարածաշրջանի բոլոր գյուղերի ջրամատակարարման համակարգի կառուցում եւ այլն)։ Ժան եւ Ալբերտ Պողոսյանների ջանքերով հիմնովին վերանորոգվել է Երեւանի Նորարար փորձառական արվեստի կենտրոնը (ՆՓԱԿ)։ 2000 թվականին «Հայաստան» համահայկական հիմնադրամի հետ նախաձեռնել եւ ամբողջովին ֆինանսավորում է ՀՀ նախագահի ամենամյա մրցանակը (2020 թվականից՝ Պողոսյան մցանակ)։ 2006-2008 թվականներին Պողոսյան հիմնադրամը նախաձեռնել եւ իրականացրել է Երեւանի Սիրահարների այգու վերակառուցումը, եւ Երեւանի քաղաքապետարանի հետ աջակցում է այգու պահպանմանը։

Տպել
Կարդացեք նաև
Ամբողջը
«Հարավկովկասյան երկաթուղի» ընկերության երկաթուղային գծանցումում «Կամազ»-ը բախվել է ավտոմատ ուղեփակոցին
Բեռնատարի վարորդը, Գորիս քաղաքի բնակիչ Գ.Ա.-ն, անտեսելով լուսացույցի արգելող և ճանապարհային նշանները…
Ձերբակալվել են ոստիկանության Նոր Նորքի բաժնի պետը, նույն բաժնի քրեական հետախուզության բաժանմունքի երեք օպերլիազորներ
Քրեական գործով ձեռք բերված փաստական տվյալների համաձայն` ոստիկանության Նոր Նորքի բաժնի քրեական հետախուզության բաժանմունքի օպերլիազոր...
Երեւան-Մեղրի ճանապարհին խոշոր եղջերավոր կենդանիներով բեռնված «ԶԻԼ»-ը մոտ 70 մետր գլորվել է ձորը
Ավտոմեքենան ձորից դուրս բերելու համար անհրաժեշտ է հատուկ տեխնիկա...
Ազատության պողոտայում BMW-ն հայտնվել է պատի և ծառի արանքում, ապա բռնկվել. վարորդը այրվածքներ է ստացել
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ...
Ֆլորիդայի բնակիչը կոտրված ատամի պատճառով McDonald's-ին դատի է տվել
Եթե դատական վեճը շահի, ապա 1 մլն դոլարը կնվիրաբերի բարեգործությանը․․․
Խարկովում Ան-26-ի կործանման հետեւանքով զոհվել է 22 մարդ (ֆոտո)
Խարկովի շրջանի Ազգային ոստիկանությունից հաստատել են, որ ինքնաթիռը կործանվել է Կիեւ-Խարկով ուղու 530-րդ կմ-ում…