News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Ճապոնական ընկերությունը ստեղծել է ատրակցիոն, որը հետեւում է սոցիալական հեռավորության կանոններին, սակայն միեւնույն ժամանակ սարսափ առաջացնում այցելուների մոտ, գրում է CNN-ը։

Kowagarasetai ճապոնական ընկերությունը, որն արտադրում է ուրվականներով տներ եւ կազմակերպում սարսափներ, պնդում է, որ այդ կոնցեպտն առաջինն է իր ոճում։ Ընկերության հիմնադրի խոսքով՝ համավարակի կապակցությամբ ուրվականներով ավանդական տները կորցրել են պահանջարկը փակ տարածքի պատճառով, եւ նա մտածել է նոր կոնցեպտ՝ ավտոմեքենա, որը գտնվում է ավտոտնակում եւ շրջապատված է զոմբիներով։

75 դոլարով դուք կարող եք մուտք գործել ավտոտնակ, անջատել շարժիչը, եւ ավտոտնակի պատուհանները կփակվեն՝ ընկղմելով ավտոմեքենան լիարժեք մթության մեջ։ Եւ կսկսի սարսափելի պատմությունը։

«Այդ վայրերում լեգենդներ են շրջանառվում, որ ուրվականները հարձակվում են մարդկանց վրա։ Երեք անգամ զանգ տվեք, եթե ցանկանում եք լսել ավելին»,-ասվում է բարձրախոսով ճապոներեն։ Հաջորդ 17 րոպեի ընթացքում «արյան մեջ թաթախված» զոմբիները կպնում են ապակիներին եւ ցնցում մեքենան»։

Քանի որ Տոկիոն պայքարում է Covid-19-ի հերթական ալիքի դեմ, ընկերությունը հայտարարում է, որ ձեռնարկում է բոլոր միջոցները պաշտպանելու համար ինչպես իրենց աշխատակիցներին, այնպես էլ հաճախորդներին։ Յուրաքանչյուր մեքենա մաքրում են սպիրտով դերասանների ռիսկերը նվազագույնի հասցնելու համար։ Այնուհետեւ մեքենան մաքրում են արհեստական արյունից (եւ ուրվականների ձեռքերի պոտենցիալ վիրուսներից)։

Առաջարկվում է նաեւ էքստրա արյունոտ փաթեթ, որը հասանելի է 9 դոլարով։

!
Այս նյութը հասանելի է նաև   Русский
Տպել