Ժամանակն է, որպեսզի միջազգային հանրությունը համերաշխություն հայտնի Լիբանանի ժողովրդին: Այս մասին հայտարարել է փախստականների հարցերով ՄԱԿ Գերագույն հանձնակատար Ֆիլիպո Գրանդին, հաղորդում է AP-ը:
Նրա խոսքով՝ ՄԱԿ-ի ՓՀԳՀ-ն Լիբանանի ժողովրդին է ներկայացրել իր ներուժն ու փորձը եւ պատրաստ է օգնել երկրին առավել լայն միջազգային արձագանքման շրջանակներում:
Գրանդին մեկնում է Լիբանան Բեյրութի նավահանգստում տեղի ունեցած աղետալի պայթյունից երկու շաբաթ անց:
Հիշեցնենք, որ օգոստոսի 4-ին տեղի ունեցած պայթյունի հետեւանքով զոհվել է 180 մարդ, մոտ 6000 մարդ վիրավոր է, գրեթե 300 000 մարդ մնացել է առանց տանիքի: Հասցված վնասը կազմում է 10-15 մլրդ դոլար:
