Չինաստանը սատարել է ԱՄՆ վարչակազմի դեմ TikTok-ի սեփականատիրոջ հայցը, հաղորդում է «ՌԻԱ Նովոստի»-ն:
«Չինաստանը ողջունում է ընկերությունների՝ իրավաբանական մեթոդները սեփական օրինական իրավունքները պաշտպանելու ձգտումները: Մենք հետագայում եւս միջոցներ կկիրառենք չինական ընկերությունների շահերը պաշտպանելու համար»,-ասել է Չինաստանի ԱԳՆ պաշտոնական ներկայացուցիչ Չժաո Լիցզյանը:
Ավելի վաղ ԱՄՆ նախագահ Դոնալդ Թրամփը ստորագրել է «WeChat սպառնալիքի դեմ պայքարի մասին» եւ «TikTok սպառնալիքի դեմ պայքարի մասին» գործադիր հրամանագրերը՝ 45 օր սահմանելով ՉԺՀ-ից այս բջջային հավելվածի հետ կապված գործարքներն ավարտելու համար: