Ճապոնական Honda Motor ավտոմեքենաշինական կոնցեռնը շարքային սպառողին է ներկայացրել իր առաջին էլեկտրամոբիլը։ Հինգշաբթի արտադրողի կայքում հաղորդվել է, որ նորույթի վաճառքը կսկսվի հոկտեմբերի 30-ին, հայտնում է ՏԱՍՍ-ը։ 

Մոդելը կոչվելու է Honda e, այն հագեցած է 136 կամ 154 ձ․ու․ հզորությամբ էլեկտրաշարժիչով՝ կախված սարքի մոդիֆիկացիայից։ Չորս մարդու համար նախատեսված էլեկտրամոբիլը մեկ լիցքավորմամբ կարող է հաղթահարել 259-ից մինչեւ 283 կմ։ Բազային լրակազմի արժեքը կկազմի 4,51 մլն իեն (մոտ 42,5 հազար դոլար)։

Նշվում է, որ Honda-ն նախատեսում է տարեկան իրացնել հազար էլեկտրամոբիլ։

NHK հեռուստաալիքը հայտնում է, որ մոտ ապագայում իրենց էլեկտրամոբիլները ներկայացնելու մտադրություն ունեն ճապոնական Toyota Motor, Nissan Motor եւ Mazda ավտոկոնցեռնները։