Այս փուլում սխալ է եւ վաղաժամ մեկնաբանել ՀԱՊԿ-ի միջամտության հնարավորությունը Բելառուսի իրադարձություններին: Այս մասին սեպտեմբերի 2-ին լրագրողների հետ հանդիպմանն ասաց ՀՀ արտաքին գործերի նախարարության մամուլի քարտուղար Աննա Նաղդալյանը:
Պատասխանելով իրադարձությունների նման զարգացման հավանականության դեպքում Հայաստանի դիրքորոշման մասին հարցին` ՀՀ ԱԳՆ ներկայացուցիչը հիշեցրել է, որ կան դիմելու եւ արձագանքման մեխանիզմներ: Այս պահին բելառուսական կողմից ոչ մի դիմում չկա, եւ ենթադրություններ անելը սխալ է եւ վաղաժամ: