Գերմանիան հայտարարել է, որ եվրոպական 10 երկիր համաձայնել է ընդունել Լեսբոս կղզու այրված Մորիա ճամբարից 400 անչափահաս փախստական ընդունել, փոխանցում է BBC-ն:
Մամուլի ասուլիսի ժամանակ ԳԴՀ ՆԳՆ ղեկավար Հորսթ Սիհոֆերն ասել է, որ անչափահաս միգրանտների մեծ մասը կուղեւորվի Գերմանիա եւ Ֆրանսիա:
Մորիա ճամբարում բնակվում էր մոտ 13.000 միգրանտ:
Հրդեհից հետո նրանք գիշերում են ճանապարհի վրա եւ դաշտերում: ԵՄ իշխանություններն այժմ աշխատում են նրանց հետագա տեղակայման խնդրի շուրջ:
Եվրահանձնաժողովի փոխնախագահ Մարգարիտիս Շինասը Մորիա ճամբար կատարած այցից հետո հայտարարել էր, որ նախատեսվում է նույն տեղում նոր, ավելի ժամանակակից հաստատություն կառուցել:
Հունաստանի կառավարությունը թիմ էր ուղարկել կղզի` խնդրի լուծում գտնելու համար, սակայն բնակիչները դեմ են նոր ճամբարի կառուցմանը:
