Իրանի վրա առավելագույն ճնշում գործադրելու ԱՄՆ-ի արշավը ձախողվեց: Այս մասին հայտարարել է Ֆրանսիայի նախագահ Էմանուել Մակրոնը՝ մերժելով Թեհրանի դեմ ՄԱԿ-ի պատժամիջոցները վերականգնելու ԱՄՆ ջանքերը, քանի որ Վաշինգտոնը հրաժարվել է 2015-ի միջուկային գործարքից, հայտնում է Reuters-ը:
«Մի քանի տարի շարունակ իրականացված առավելագույն ճնշման ռազմավարությունն այս փուլում թույլ չտվեց վերջ դնել Իրանի ապակայունացնող գործողություններին կամ երաշխավորել, որ նա չի կարողանա միջուկային զենք ձեռք բերել»,- ՄԱԿ-ի Գլխավոր ասամբլեայի առջեւ իր ելույթում ասել է Մակրոնը:
«Ահա թե ինչու Ֆրանսիան, իր գերմանացի եւ բրիտանացի գործընկերների հետ միասին, կաջակցի 2015-ի միջուկային համաձայնագրի լիարժեք իրականացման պահանջին եւ չի հանդուրժի Իրանի կողմից թույլ տրված խախտումները»:
