Ռուսաստանի եւ Ադրբեջանի արտգործնախարարներ Սերգեյ Լավրովը եւ Ջեյհուն Բայրամովը հեռախոսով քննարկել են Լեռնային Ղարաբաղի հակամարտության գոտում իրավիճակի կտրուկ սրումը:
ՌԴ ԱԳՆ մամուլի ծառայության փոխանցմամբ՝ Լավրովը լուրջ մտահոգություն է հայտնել շփման գծի երկայնքով շարունակվող գնդակոծությունների կապակցությամբ, ինչը հանգեցրել է մարդկային զոհերի, այդ թվում՝ խաղաղ բնակչության շրջանում: Ռուսական կողմը ընդգծել է շտապ հրադադարի անհրաժեշտությունը: Նշվել է, որ Ռուսաստանը ԵԱՀԿ Մինսկի խմբի մյուս համանախագահների հետ միասին կշարունակի ձեռնարկել միջնորդական ջանքեր` ուղղված իրավիճակի կայունացմանը:
