Ամերիկյան պետությունների կազմակերպության գլխավոր քարտուղար Լուիս Ալմագրոն դատապարտել է Արցախի դեմ Ադրբեջանի ռազմական ագրեսիան եւ կոչ արել վերսկսել խաղաղ կարգավորման գործընթացի շուրջ բանակցությունները:
«ԱՊԿ գլխավոր քարտուղարը դատապարտում է Լեռնային Ղարաբաղում Ադրբեջանի ռազմական ագրեսիան, որն ամբողջովին անտեսում է ՄԱԿ-ի՝ հակամարտությունների խաղաղ լուծման կոչերը»,-ասվում է Ալմագրոյի հայտարարության մեջ, հաղորդում է ՏԱՍՍ-ը:
«Մենք կոչ ենք անում Ադրբեջանին անհապաղ դադարել ռազմական գործողությունները: Հատկապես նրանք, որոնք ուղղված են խաղաղ բնակչության դեմ: ԱՊՀ գլխավոր քարտուղարը կրկին հայտարարել է ԵԱՀԿ Մինսկի խմբի հովանու ներքո գործընթացի բանակցությունները վերականգնելու անհրաժեշտության մասին, ինչպես նաեւ ընդգծել, որ այդ հակամարտությունը կարող է լուծվել միայն խաղաղ ճանապարհով՝ հիմնված միջազգային իրավունքի եւ սկզբունքների վրա, որոնք ամրապնդված են 1975 թվականին Հելսինկիի եզրափակից ակտում»,-հավելել է քարտուղարը՝ նաեւ կոչ անելով միջազգային գերտերություններին զերծ մնալ ճգնաժամի էսկալացիայի նպատակով զինված հակամարտությանը մջամտելուց:
«Մենք լիովին սատարում ենք Լեռնային Ղարաբաղի բնակիչներին: Ինչպես նաեւ անկեղծ ցավակցություն ենք հայտնում ադրբեջանական եւ հայկական ուժերի միջեւ դաժան բախումների հետեւանքով զոհերի ընտանիքներին»,-ամփոփել է Ալմագրոն:
