Հայաստանի ԱԻՆ-ում, այսօր՝ սեպտեմբերի 28-ին, ժամը 04։28-ին Լոռու մարզային ճգնաժամային կառավարման կենտրոն ահազանգ է ստացվել, որ Տաշիր քաղաքի «Վիվա» սուպերմարկետի մոտակայքում տեղի է ունեցել ավտովթար՝ ավտոմեքենան բախվել է կրպակին․տուժածներ չկան։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «BMW» մակնիշի ավտոմեքենան դուրս է եկել ավտոճանապարհի երթևեկելի հատվածից և բախվել Տաշիր քաղաքի Ջահուկյան-Երևանյան փողոցների խաչմերուկի մոտակայքում գտնվող կրպակներից մեկին (մոտ 6 քմ ), ինչից կրպակը վնասվել է։
Փրկարարներն ավտոմեքենան դուրս են բերել ճանապարհի երթևեկելի հատված, հոսանքազրկել են ավտոմեքենան և փակել գազի բալոնի փականը։
