Իրանն ուշադիր հետեւում է իր սահմաններով ապրանքների տեղափոխմանն ու երբեք թույլ չի տվել զենքի եւ զինամթերքի տեղափոխում իր տարածքով: Այս մասին հայտարարել է Իրանի ԱԳՆ պաշտոնական ներկայացուցիչ Սայիդ Հաթիբզադեն՝ հերքելով իր տարածքով Հայաստան զենք տեղափոխելու մասին լուրերը:
Նրա խոսքով՝ բեռների եւ ոչ զինվորական ապրանքների տեղափոխումն Իրանի եւ իր հարեւան երկրների միջեւ շարունակվում է սովորական ռեժիմով: Նա ընդգծել է, որ բոլոր բեռները ոչ ռազմական նշանակության են:
Նա կրկնել է, որ Իրանը թույլ չի տա օգտագործել իր տարածքը այլ երկրներին զենք եւ զինամթերք մատակարարելու համար:
