Բրյուսելում՝ ՆԱՏՕ-ի գրասնյակում, հոկտեմբերին 1-ին Հունաստանի եւ Թուրքիայի ռազմական ներկայացուցիչների միջեւ կայացած տեխնիկական հանդիպումից հետո ստեղծվել է կոնֆլիկտները կարգավորելու երկկողմանի ռազմական մեխանիզմ: Այն նախատեսված է Արեւելյան Միջերկրական ծովում միջադեպերի ու վթարների վտանգը նվազեցնելու համար: Այն ներառում է Հունաստանի եւ Թուրքիայի միջեւ թեժ գծի ստեղծում ծովում եւ օդում կոնֆլիկտները լուծելու գործընթացը հեշտացնելու համար, ասվում է Միութան հայտարարության մեջ:
Կոնֆլիկտը լուծելու համար սեպտեմբերի սկզբին մեկնարկած ռազմատեխնիկական բանակցությունները նախաձեռնել էր ՆԱՏՕ-ի գլխավոր քարտուղար Յենս Ստոլթենբերգը Հունաստանի եւ Թուրքիայի հետ բարձր մարարդակում շփումներից հետո:
«Ես ողջունում եմ կոնֆլիկտները կարգավորելու ռազմական մեխանիզմի ստեղծումը, որը ձեռք է բերվել Հունաստանի եւ Թուրքիայի կառուցողական փոխգործակցության շնորհիվ: Այդ անվտանգության մեխանիզմը կարող է օգնել ստեղծել տարածություն հիմնական վեճի լուծմանն ուղղված դիվանագիտական ջանքերի համար, եւ մենք պատրաստ ենք այն զարգացնել նաեւ հետագայում: Ես սերտ շփում կպահպանեմ երկու դաշնակիցների հետ»,-ասել է Ստոլթենբերգը:
